“Presiden Emily Belle Freeman,” Liahona, Mei 2023.
Presiden Emily Belle Freeman
Yang Woman Jeneral Presiden
Plante pipol bae oli save finis Emily Belle Freeman olsem wan spika, i raetem buk, rekodem ol vidio o odio blong putum long intanet mo tija. Be olgeta we oli save hem—mo iven blong olgeta we oli save hem—Presiden Freeman i hop se fas samting we bae oli save long hem i we hem i gat wan testemoni long Jisas Kraes we strong mo i stap longtaem.
Presiden Freeman i talem se, “Hem i tru long ol eksperiens we mi gat wetem Hem we i mekem mi kam blong save Papa long Heven mo kam blong kasem eksperiens long saed blong revelesen. “Hemia i i bin stap olsem stamba samting long laef blong mi—kompanionsip ia blong laeftaem wetem Hem.”
Taem hem i statem wok blong hem olsem wan we i raetem ol buk mo rekoda blong intanet, hem i askem hemwan se wanem nao hem i wantem lukluk moa long hem. Ansa i we blong testifae abaot Jisas Kraes mo Atonmen blong Hem.
Hem i bon i kam long wol ia long 31 Disemba, 1969, long Boston, Masajusets, YSA, taem we papa blong hem, McKinley McVichie Oswald, i atendem Harvard Yunivesiti. Presiden Freeman i talem se mama blong hem, Leslie James Oswald, i wan long ol laen blong woman we “oli gat plante paoa mo plante lav.”
Presiden Freeman, we hem i fas bon long ol narafala sikis pikinini,i groap long Sandy, Yuta. Laef blong hem i jenis long taem hem i stap long ol las yia blong hae skul, taem oli singaotem papa mo mama blong hem blong lidim Ventura Misin long Kalifonia. Hem mo ol brata mo sista blong hem oli tekpat long evri misin, son mo stek konfrens wetem papa mo mama blong olgeta. Afta long hae skul, hem i lego Kalifonia blong stadi long Brigham Yang Yunivesiti.
Taem we Gregory Garth Freeman i kambak hom long Bountiful afta long misin blong hem long Ventura Misin long Kalifonia, ol misin lida blong hem oli askem hem blong go wajem gel blong tufala long wan toktok blong hem long Yuta. Emily mo Gregory tufala i stat blong deit afta long taem ia mo mared long Disemba 1989 long Los Anjeles Kalifonia Tempol. Tufala i gat faef pikinini.
Presiden Freeman i bin raetem moa long ol buk mo i bin toktok long defdefren konfrens, woksop mo ol kam tugeta. Hem i tij blong plante yia long Jos Edukesen Sistem mo i bin givim seves olsem wan tija blong Gospel Doktrin mo olsem wan Yang Woman mo Rilif Sosaeti presiden.