„მღვდლობის კურთხევები“, ლიახონა, მარტი 2023.
ყოველთვიური გზავნილი ლიახონა , მარტი, 2023 წ.
მღვდლობის კურთხევები
ქრისტე აკურთხებს თორმეტ მოციქულს, ჰარი ანდერსონის მიერ
მღვდლობის კურთხევები გადმოეცემა შთაგონებით, მელქიცედეკის მღვდლობის მქონე პირისგან. სამღვდელოების კურთხევა შესაძლებელს ხდის ღვთის ყველა შვილისთვის, მიიღონ მისი ძალა, განკურნება, ნუგეში და მითითება.
მღვდლობა
მღვდლობა არის ღვთის ძალა და უფლებამოსილება. მელქიცედეკის მღვდლობის მქონე ღირსეული მამაკაცები მოქმედებენ იესო ქრისტეს სახელით, როცა ისინი გადასცემენ მღვდლობის კურთხევებს. ამ კურთხევების მიცემით ისინი ბაძავენ მხსნელის მიერ სხვების კურთხევის მაგალითს.
დევიდ ვინტერსის ფოტო
როგორ ეძლევა კურთხევები
სამღვდელოების კურთხევები ეძლევა პიროვნებას თავზე ხელების დადებით. მელქიცედეკის მღვდლობის მქონე პირი პიროვნებას თავზე ხელებს ადებს. შემდეგ იგი აძლევს პიროვნებას კურთხევას, სულიწმინდის კარნახის თანახმად. კურთხევების მიმცემიც და მიმღებიც ამჟღავნებენ რწმენას ღმერთში და ენდობა მის ნებასა და დროს.
ბავშვებისთვის სახელის მიცემა და კურთხევა
ბავშვის დაბადების შემდეგ მღვდლობის მატარებელი პირი უბოძებს ჩვილს სახელს და აკურთხებს მას (იხ. მოძღვრება და აღთქმები 20:70). ეს, როგორც წესი, ხდება მარხვისა და დამოწმების შეხვედრაზე. პირველად ბავშვს უბოძებენ სახელს. შემდეგ სამღვდელოების მატარებელი პირი აძლევს ბავშვს კურთხევას.
ველდენ სი ანდერსენის ფოტო
ავადმყოფის კურთხევა
მელქიცედეკის მღვდლობის მატარებელ პირებს შეუძლიათ, აკურთხონ ავადმყობები. ასეთი კურთხევა შედგება ორი ნაწილისგან: ზეთისცხება ზეთით და ზეთისცხების ჩაბეჭდვა. პირველ რიგში მღვდლობის მატარებელი პირი ნაკურთხი ზეითუნის ზეთის წვეთს დააწვეთებს პიროვნებას თავზე და მოკლე ლოცვას აღავლენს. შემდეგ მღვდლობის მატარებელი მეორე პირი ჩაბეჭდავს ზეთისცხებას და აძლევს პიროვნებას კურთხევას, სულიწმინდის კარნახის თანახმად.
ნუგეშისა და რჩევის კურთხევა
მელქიცედეკის მღვდლობის მატარებელ პირებს შეუძლიათ, მისცენ ოჯახის წევრებსა და სხვა პიროვნებებს, ვინც ამას მოითხოვს, ნუგეშისა და რჩევის კურთხევა. მელქიცედეკის მღვდლობის მქონე მამას შეუძლია, მისცეს შვილებს მამის კურთხევა. ეს განსაკუთრებით ეხმარება შვილებს, როცა ისინი კონკრეტული გამოწვევების წინაშე დგანან.
წევრების ხელდასხმით დანიშვნა მოწოდებებში მსახურებისთვის
როცა ეკლესიის წევრი მოწოდებას იღებს, მას ხელდასხმით ნიშნავენ ამ მოწოდებაში მსახურებისთვის. სამღვდელოების ხელმძღვანელი აკურთხებს მათ უფლებამოსილებით, იმოქმედონ ამ მოწოდებაში. სამღვდელოების ხელმძღვანელი აკურთხებს მათ უფლებამოსილებით, იმოქმედონ ამ მოწოდებაში.
შაუნა სტეპენსონის ფოტო
პატრიარქის ლოცვა-კურთხევა
ყოველ ღირსეულ წევრს შეუძლია, მიიღოს პატრიარქის ლოცვა-კურთხევა. ეს კურთხევა იძლევა პირად რჩევას უფლისგან. იგი მთელი ცხოვრების განმავლობაში უზრუნველყოფს პიროვნებას მითითებებითა და ნუგეშით. იგი ასევე აცნობებს პიროვნებას მის მემკვიდრეობის ხაზს ისრაელის სახლში. მხოლოდ კურთხევა მიღებულ პატრიარქს შეუძლია ასეთი ტიპის კურთხევის მიცემა.
© 2023 by Intellectual Reserve, Inc. ყველა უფლება დაცულია. Printed in USA. English approval: 6/19. Translation approval: 6/19. Translation of Monthly Liahona Message, March 2023. Language. 18905 131