“Agsursuro maipapan ken ni Jesucristo ken Manggun-od iti Bilegna,” Para iti Pigsa dagiti Agtutubo, Sept. 2022.
Binulan a Mensahe ti Para iti Pigsa dagiti Agtutubo , Septiembre 2022
Agsursuro maipapan ken ni Jesucristo ken Manggun-od iti Bilegna
Manipud iti mensahe iti Abril 2017 sapasap a komperensia.
Kayatko nga ibinglay no kasano a makagun-odtayo iti biagtayo iti bileg ti Apo ken Maestrotayo, ni Jesucristo.
Mangrugitayo babaen ti panagsursuro ti maipapan Kenkuana.1 “Saan[tayo] a maisalakan iti kinakuneng”(Doktrina ken Katulagan 131:6). Ti ad-adda a pannakaawattayo iti doktrina ti Mangisalakan ken no ania ti inaramidna para kadatayo, ad-adda met nga ammotayo a kabaelanna nga ipaay ti bileg a kasapulantayo para iti biagtayo.
Kas Santo iti Ud-udina nga Aldaw, dakamatentayo ti misionna a kas ti Pannubbot ni Jesucristo, a namagbalin iti panagungar a kinapudno para iti amin ken namagbalin a posible iti agnanayon a biag para kadagidiay agbabawi iti basbasolda ken umawat ken agtungpal kadagiti kasapulan nga ordinansa ken katulagan.
Iti babaen ti naindaklan a plano ti Ama, isu ti Mangisalakan a nagsagaba. Isu ti Mangisalakan a nangwaswas kadagiti pamungo ni patay. Isu ti Mangisalakan a nangikaro kadagiti basol ken naglabsingantayo ken mangpunas kadagitoy iti kondision ti panagbabawitayo. Isu ti Mangisalakan a mangispal kadatayo manipud iti pisikal ken naespirituan nga ipapatay.
Iladawan dagiti sagrado a termino kas iti Pannubbot ken Panagungar no ania ti inaramid ti Mangisalakan, mayannurot iti plano ti Ama, tapno mabalin nga agbiagtayo nga addaan iti namnama iti daytoy a biag ken manggun-od iti agnanayon a biag iti umay a lubong.
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, September 2022. Ilokano. 18316 864