Jemaron̄ Jipan̄ ro Jet En̄jake Iakwe im Ruwainene

Rilo̧mo̧o̧r eaar en̄jake kōjekdoon im kar katakin kōj kilen jipan̄ .

Pija

ļoon m̧oor

Sasha ej juon kōrā eo ejjeļo̧k pāleen ilo juon ward an baam̧le, eo me ekar jab aolep iien pidodo n̄an e. Ej en̄jake m̧ōņōņō im laudin̄din̄ ak ekkā an lukkuun oktak—im jidik wōt an emejaja—ippān ward membōr ro jet. Āinwōt kōj kajjojo, eto wōt an kōņaan bwe ren wōnm̧aeiki im en̄jake an wōr tokjen.

Thomas, juon em̧m̧aan erūtto ilo ward eo, kar jitōn̄e bwe en karejar m̧an im ekar bōjrakļo̧k iaerro kōrā eo pāleen bwe en jeļā kajjien Sasha. Loļo̧k eo ekar kāliklik jidik ke ekar oktak bwebwenato eo aer n̄an mour eo an an ejjeļo̧k pāleen. Ak ke rej kōnnaan, Sasha ekar maron̄ jeļā ke Thomas im kōrā eo ippān raar kajjieon̄ in meļeļe jekjek eo an im elmen aer maron̄ jipan̄.

Ilo juon wāween, Thomas ekar ba, “ij loe bwe jikin kallib eo am̧ eaikuj karreeo. Im̧ōņōņō in jipan̄ eok kake.”

Jerbal eo an Sasha eboub n̄an an oņake jikin kallib eo an im ekar jab juon men ej aikuj kōm̧m̧ane m̧oktata. Im ijelo̧kin menin, ekar jab em̧m̧an ippān. Ejeļā kilen kōm̧m̧an jerbal ilo jikin kallib eo, im ejeļā ke emaron̄ kōm̧m̧ane. Ak ekar jab kwaļo̧k m̧ool eo ke ediki.

Ekar wōr juon tōre ke kajjitōk eo an emaron̄ kar kōmetak en̄jake ko an. Ak Thomas ekar ba bwe ekar pād ilo tariņae im emeļeļe ta eo ekkā an juon kōrā eo emakijkij an aikuj kōm̧m̧ane ippān make ke ļeo pāleen ekar jab pād turin n̄an jipan̄. Ekar kile bwe Thomas ekar pukot juon wāween n̄an kapen jemdo̧o̧n eo aerro. Ekar kajjieon̄ kobaik en̄jake eo an ippān im lo men ko me rej juon wōt kaki.

Ketaan ko ruo an jemdo̧o̧n eo ilo jerbal in karejar eo raar jino iakwe im jeļāņae do̧o̧n jān ijo rekar, im epake doon, jemjerā eo ekar ļapļo̧k.

Im melan eo an Sasha kar erreeo.

Waanjon̄ak eo Ewāppen ilo Iakwe Ewāppen

Ilo Kallim̧ur M̧okta, Aiseia ekar kanaan bwe Jisōs Kraist ekar lukkuun jeļā ta elmen n̄e jej oktak jān ro jet. E ekar loe an jenoļo̧k ioon kōjdat. “Armej raar kajekdo̧o̧n im eļļo̧k e; juon armej in būrom̧ōj, im ekar jeļā liaajlōļ” (Aiseia 53:3). Kōn iakwe eo An ewāppen, E ejeļā elmen ad en̄jake im elmen n̄an jipan̄ kōj (lale Alma 7:12). Jemaron̄ ļoor waanjon̄ak eo an Rilo̧mo̧o̧r n̄an pukotļo̧k ilo iakwe n̄an kobaik ro jet, jekdo̧o̧n jekjek ak m̧wiļ rot ko aer.

Pedped in Katak ko n̄an Ļōmņak kaki

Ilo am̧ pukot wāween ko n̄an jipan̄ ro jet en̄jake jokne, ļōmņake pedped kein Rilo̧mo̧o̧r ekar kwaļo̧ki im mour kaki:

Kwon jeļā kajjien armej ro kwojjan̄in jeļā kajjier (lale Matu 5:43–48).
Jab mijak in iiaio̧ ippān ro emaron̄ oktak aer mour ak tōmak n̄e ejjab āinjuon ilo katak ko an Rilo̧mo̧o̧r (lale Mark 2:14–17; Luk 7:38–50).
Aolep raikuj en̄jake āinwōt n̄e jej kōņaan bwe ren itok n̄an jar (lale 3 Nipai 18:22–32). Pād ijo remaron̄ ekkatak kōn gospel eo an Rilo̧mo̧o̧r n̄an en̄jake iakwe eo An emaron̄ ukōt aolep.
Rilo̧mo̧o̧r ejeļā ta eo jej aikuji, ilo aolep men kōnke E ejeļā elmen ad en̄jake (lale Alma 7:11–12). Jemaron̄ kwaļo̧k iakwe n̄an pukot n̄an meļeļe en̄jake ko an ro jet im likūt kōj ilo jekjek eo aer.
Rilo̧mo̧o̧r ekar bōk iien n̄an kake aikuj ko an ro Ipeļaakin. E ekar bōjrak n̄an jipan̄ ro jet men̄e E ewōr an karōk bwe en pād jet jikin (lale Mark 5:22–43).

Ta Eo Jemaron̄ Kōm̧m̧ane?

Pija

ruo kōrā ro

Jab kōtļo̧k an oktak ko an kajjojo kōbōjrak eok n̄an jeļā kajjien ro kwoj jerbal in karejar n̄an er. Jekdo̧o̧n oktak ko ad jen do̧o̧n, ewōr juon jikin em̧m̧an jemaron̄ jim̧or errā kake.