Binulan a Mensahe iti Friend , Hulio 2022

Ni Elias ken ti Naalumamay, Bassit a Timek

Ni Elias iti abay ti maysa a bantay

Dagiti panangiladawan ni Apryl Stott

Maysa a propeta ni Elias. Tinarigagayanna ti dumngeg iti timek ti Dios. Napan iti maysa a bantay tapno dumngeg a nasaysayaat iti timek ti Dios.

Ni Elias a kumitkita iti napigsa nga angin

Adda napigsa nga angin. Napigsa unay daytoy ta binurakna dagiti dadakkel a bato. Napigsa ti banesbes ti angin. Ngem saan a daytoy iti timek ti Dios.

Ni Elias a mangbuybuya iti ginggined ken uram

Simmaruno nga adda ginggined. Nagtayyek ti daga. Adda pay uram. Dadakkel dagiti gil-ayabna. Ngem saan a timek ti Dios ti ginggined ken ti uram.

Ni Elias a dumdumngeg iti naalumamay, bassit a timek

Kalpasanna nagulimek daytoy. Nangngeg ni Elias ti timek ti Dios. Naalumamay ken bassit daytoy. Ngem nalawag daytoy.

tattao iti simbaan

Mangngegko ti timek ti Dios babaen ti panagdengngeg iti Espiritu Santo. Kasasaonak iti babassit ken simple a wagas.

Mabasayo daytoy nga estoria iti 1 Ar-ari 19:11–12.

Panid ti Panagkolor

Mariknak ti Espiritu Santo

dagiti ubbing nga agkankanta kadagiti himno

Iklik iti ladawan nga i-download.

Panangiladawan ni Apryl Stott

Ania ti mangtulong kenka a makarikna iti Espiritu Santo?

© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, Hulio 2022. Ilokano. 18298 864