“UMsindisi Obandezelekayo,” Okwenzelwe Ukomeleza uLutsha, Tshazimpunzi 2022.
UMyalezo wangeNyanga Okwenzelwe Ukomeleza uLutsha Tshazimpunzi 2022
UMsindisi Obandezelekayo
Kwiminyaka engamakhulu ngamakhulu ngaphambi kokuba uYesu Krestu eze, u-Isaya wakubona kwangaphambili ukubandezeleka kwaKhe kwezono zethu.
Udeliwe kwaye ulahliwe
Xa uYesu Krestu wayesiza emhlabeni, abanye abantu babekholelwa kuYe, kodwa uninzi lona lwalungakholelwa. Babemjongela phantsi, kwaye abaninzi babemnyanya. Ekugqibeleni, abantu baye bakhetha ukuba makathuthunjiswe kwaye abulawe. (Bona 1 Nifayi 19:9.)
uzithabathele phezu kwakhe izifo zethu
UYesu Krestu wazithathela phezu kwaKhe zonke iintlungu, nezigulo, nobuthathaka bethu. Wenza oku ukuze Yena abenenceba kuthi nokuba akwazi ukusinceda. (Bona Alma 7:11–13.)
yena uhlatywe ngenxa yezikreqo zethu
UYesu Krestu wabandezelekela izono zethu. Yena wenza oku ukuze sibenokuxolelwa njengoko siguquka. (Bona IMfundiso neMinqophiso 18:11; 19:15–19.)
siphilisiwe ngemivumbo yakhe
“Imivumbo yakhe” ngamanxeba aKhe. Ezi zimele konke ukubandezeleka Yena athe wakunyamezelela thina, kuquka nokuphalazwa kwegazi laKhe nokufa kwaKhe. Ngenxa yokuba uYesu Krestu wabandezelekela thina, singenziwa siphelele kwakhona. Idini laKhe lenza kwenzeke ukuba izono zethu zixolelwe. Njengoko siguquka kwaye sizama ukugcina iminqophiso yethu, Yena uyasiphilisa kwaye asitshintshe. (Bona Mozaya 3:7–11; IziVumo zoKholo 1:3.)
© 2022 yi-Intellectual Reserve, Inc. All rights reserved. Ishicilelwe e-USA. Isivumelo sesiNgesi: 6/19. Isivumelo senguqulelo: 6/19. Inguqulelo yeMonthly For the Strength of Youth Message, April 2022. Xhosa. 18314 774