“Kasano a Dumngegkayo Kenkuana?,” Para iti Pigsa dagiti Agtutubo, Mar. 2022.
Binulan a Mensahe iti Para iti Pigsa dagiti Agtutubo , Marso 2022
Kasano a Dumngegkayo Kenkuana?
Manipud iti mensahe iti Abril 2020 sapasap a komperensia.
Dagiti panangiladawan ni Oksana Grivina
Maibilang iti natalna a pangiturong nga awatentayo iti Espiritu Santo, sibibileg ken personal nga ipatalged ti Apo kadatayo nga am-ammo ken ipatpategnatayo. Sa, kadagiti kanito iti rigattayo, ipalagip ti Apo dagitoy a padas iti panunottayo.
Panunotenyo ti biagyo. Mabalin a dumteng dagitoy a padas iti napateg a panawen iti biagtayo wenno iti damo a kasla paspasamak a saan a napnuan iti pakasaritaan. Sumangbay dagitoy naespirituan a kanito a di malipatan iti agduduma a gundaway ken iti agduduma a wagas, a saggaysa para iti tunggal maysa kadatayo.
Inlawlawag ni Joseph Smith a no dadduma umawattayo kadagiti “kellaat a kapanunotan” ken sagpaminsan ti natarnaw nga ayus ti saririt.1
Imbalakad ni Presidente Dallin H. Oaks, iti isusungbatna iti maysa a napudno a tao a nagkuna a di pay kaano man nakapadas iti kasta, “Nalabit a kanayon a nasungbatan dagiti kararagyo, ngem adda dagiti ninamnamayo nga agsapsapul iti maysa a dakkel a tanda wenno maysa a timek a napigsa unay nga ipagarupyo a saankayo a nasungbatan.”2
Nangngegtayo itay nabiit a kinuna ni Presidente Russell M. Nelson: “Awisenkayo a mangpanunot a naimbag ken masansan iti daytoy napateg a saludsod: Kasano a dumngegkayo Kenkuana? Awisenkayo pay a mangaramid kadagiti addang a dumngeg Kenkuana a nasaysayaat ken nasansansan.”3
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, March 2022. Ilokano. 18296 864