“Irail (soahng koaros, aramas koaros, oh mahsen koaros) iei ai Tungola oh I Ese Irail,” Ong Kakehlepen me Pwulopwul kan, Seniweri 2022.
Padahk en Sounpwong kan Ong Kakehlepen me Pwulopwul kan, Seniweri 2021
“Irail (soahng koaros, aramas koaros, oh mahsen koaros) iei ai Tungoal oh I Ese Irail”
Kilel kan sang Getty Images
Mie pak me komw kin pepehm me sohte katepemw? Mwein komw kin ahniki songen pepehm wet ni ansou me komw kin medewe ia woahn tohtohn aramas me mihmi pohn sampah de kilang ia woahn tohtohn usu nan woahwoa. Mie pak me komw kin medewe ma Koht udahn mwahngi ihs komwi oh ia pahn mwomwen ahmw mour? Ama ehi, ah mie kawehid sang Moses ong komwi.
Nan ouraman ehu, Koht ketin kasalehiong Moses soahng koaros duen sampah oh aramas koaros me pahn keiru powe. Irail udahn tohto duehte pihk kan pohn oaroar (Moses 1:28). Koht pil mahsaniong Moses me E ketin kapikadahr sampah ngeder kei (Moses 1:33)—me miehte Sapwellime kepikpik tei kan me patehng sampah wet.
Moses mwein ahniki pwuriamwei ni ansou me e kilang soahng pwukat koaros. Mwein e medewe: Iawasa I mih ioa nan koapikipik tohto pwukat? Oh ia mwomwen Koht ah kin toatoahk mepwukat?
Sapwellimen Koht pasapeng me mengei: Soahng koaros I kin wadekedier. Ia mwomwe? Irail (soahng koaros, aramas koaros, oh mahsen koaros) wia ahi tungoal oh I ese irail (Moses 1:35). Koht mwahngi ihs Moses, pil duwehte Ah mwahngi Sapwellime seri kan koaros, pil iangahki Sapwellime koapikipik kan koaros. Mehkoarusioa wia Sapwellime—usu kan, pihk kan, ahpw mehlel Sapwellime seri kan koaros pohn sampah. Irail me wia kahrepen Ah ketin kapikada sampah. Arail mour soutik iei sapwellimen Koht doadoahk keiou kesempwal.
Sahm Nanleng ketin mahsaniher me Sapwellime doadoahk oh lingan me pahn kapwaiada komour oh mour soutuk en aramas (Moses 1:39).
Duehte Moses ah esehda wasa e mihmi ie nan sapwellimen Koht koasondi en mour, komwi pil kak wewehki me Koht ketin mwahngih ihs komwi! Pwehn sewesei komwi pwurala Reh iei Sapwellime doadoahk oh lingan. Pwekida? Pwehki komw wia sapwellime. Oh sohte mehkot me pahn kak karasahieng!
© 2021 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Monthly For the Strength of Youth Message, December 2021. Pohnpeian. 18295 885