“Kazi ya Hekaluni,” Liahona Oktoba 2021
Ujumbe wa Kila mwezi wa Liahona, Oktoba 2021
Kazi ya Hekaluni
Mahekalu ni nyumba ya Bwana. Tunaweza kupokea ibada na kufanya maagano na Yeye katika mahekalu. Tunaweza pia kufanya ibada katika hekalu kwa ajili ya mababu zetu.
Picha ya Hekalu la Barranquilla Colombia na Bruno Lima
Kupitia historia yote, Bwana ameamuru watu Wake kujenga mahekalu. Mahekalu ni sehemu takatifu ambamo tunaweza kuhisi upendo wa Mungu, kupokea ibada, na kufanya ahadi na Yeye. Kanisa linajenga mahekalu ulimwenguni kote ili watu zaidi na zaidi waweze kuwa na baraka hizi.
Picha ya mwanamke mbele ya Hekalu la Mlima Oquirrh Utah na Nexeo na Matthew Reier
Endaomenti
Waumini wa Kanisa ambao wanaishi maisha ya kiadilifu huenda hekaluni kupokea ibada na kufanya maagano, au ahadi, na Mungu. Ibada moja tunayopokea hekaluni ni endaomenti. Neno endaomenti linamaanisha “kipawa.” Endaomenti ya hekaluni ni kipawa kutoka kwa Mungu. Katika ibada hii tunajifunza kuhusu mpango wa Baba wa Mbinguni kwa ajili ya wokovu wetu, na tunafanya maagano kuweka amri za Mungu. Kama tukiwa waaminifu kwa maagano tunayofanya, Mungu atatubariki.
Picha ya wanandoa wakitembea pembeni mwa Hekalu la Manila Philippines na Cristian Smith
Kuunganisha Familia Pamoja
Ndoa katika hekalu pia kunaitwa kuunganishwa. Wakati wanandoa wameunganishwa hekaluni na wanaweka maagano yao, watakuwa wamefunga ndoa ya milele. Kama wana watoto, watoto hao pia wataunganishwa nao. Wazazi waliounganishwa baada ya kuwa na watoto wanaweza kuunganishwa na watoto wao. Kama wataishi kiadilifu, watakuwa familia milele yote.
Picha ya mahali pa kubatizia katika Hekalu la Lisbon Portugal na Leslie Nilsson
Kazi ya Hekaluni kwa ajili ya Watoto Wote wa Mungu
Tunafanya kazi ya historia ya familia kutafuta kuhusu mababu zetu. Kisha tunafanya kazi ya hekaluni kwa niaba yao. Tunafanya kwa ajili yao ibada zote ambazo wanaoishi wanazihitaji: ubatizo, kuthibitishwa, kupokea ukuhani (kwa ajili ya wanaume), endaomenti, na kuunganishwa. Kisha wataweza kuchagua kama wanakubaliana na ibada hizi. Kwa njia hii, watoto wote wa Mungu wanaweza kufurahia baraka za injili.
Picha ya familia mbele ya Hekalu la Philadelphia Pennsylvania na Cody Bell
Baraka za Kazi ya Hekaluni
Ikiwa tutatunza maagano tunayofanya hekaluni, tutabarikiwa, tutalindwa, na kuimarishwa. Tutakuwa na nguvu ya ukuhani pamoja nasi. Familia zetu zitakuwa pamoja milele.
Hekalu pia ni mahali pa amani na ufunuo. Tunapofanya kazi ya hekaluni, tunaweza kupokea mwongozo wa kiroho na kuhisi upendo wa Mungu.
© 2021 na Intellectual Reserve, Inc. Haki zote zimehifadhiwa. Imepigwa chapa Marekani. Idhini ya Kiingereza: 6/19. Idhini ya kutafsiri: 6/19. Tafsiri ya Monthly Liahona Message, October 2021. Swahili. 17474 743