Porous ren Liahona Iteiten Maram, October 2021

Angangen Tempel

Ekkewe tempel ikkina imwan ewe Samon. Sia tongeni angei ekkewe angangepin me fori ach pwon ngeni I non ekkewe tempel. Sia pwan tongeni fori ekkewe angangepin non ewe tempel fan iten ach kewe neo.

tempel

Sassingin Barranquilla Colombia Temple seni Bruno Lima

Non kinikinin uruo, ewe Samon a annuku ngeni Noun aramas repwe kouta tempel. Ekkewe tempel neni mi pin ikewe sia tongeni mefi an Kot tong, angei ekkewe angangepin, me fori ach pwon ngeni I. Ewe Mwichefen a kouta temple non unusen fonufan pwe epwe chommongono pun aramas repwe tongeni angei ekkei feioch.

fefin me fan mesen ewe tempel

Sassingin emon fefin me fan mesen Oquirrh Mountain Utah Tempel seni Nexeo me Matthew Reier

Ewe Endowment

Chon ewe Mwichefen ekkewe ra nukuchar ra no ngeni ewe tempel ar repwe angei ekkewe angangepin me fori ar pwon mi pin, ika pwon, ngeni Kot Eu ekkewe angangepin sia angei me non tempel ewe endowment. Ewe Kapas endowment wewen “eu niffang.” Ewe tempel endowment eu niffang seni Kot. Non ei angangepin sia kaeo usun an Samach won Nang we kokot faniten manauach, me sia fori ach pwon ach sipwe aponueta an kewe annuk. Ika pwe sia nukuchar ngeni ewe pwon sia fori, Kot epwe efeiochu kich.

ew pean pupunu me fan mesen ewe tempel

Sassingin eu pean pupunu re fetan nukun ewe Manila Philipines Tempel seni Cristina Smith

Rii Fengeni Famini

Eu apupunu non ewe tempel a pwan iteni ririfengen. Nupwen eu pea pupunu ra ririfengen non ewe tempel me aponueta ar kewe pwon, repwe fokkun pupunu fochofoch. Ika pwe mi wor nour semirit, nour kewe semirit repwe pwan riringenir. Sam me in mine ra ririfengen mwirin ar ra fen nounou ra tongeni ar repwe riri fengen me nour kewe. Ika pwe ra nukuchar, repwe eu famini fochofoch.

Lisbon Portugal Temple baptistry

Sassingin Lisbon Portugal Tempel baptistry seni Leslie Nilsson

Angangen Tempel faniten Noun Kot Semirit Meinisin

Sia fori angangen uruon famini ach sipwe sinei usun porousen ach kewe neo. Sia pwan fori angangen tempel faniter. Sia fori fan iter meinisin ekkewe angangepin mine ekkewe mi manau ra tongeni fori: papatais, kapunguno, angei ewe pristut (ren kewe mwan), endowment, me ririfengen. Iwe a pusin nonom rer ika repwe etiwa ekkei angangepin. Non ei wewe, meinisin noun Kot semirit ra tongeni aani pwapwan ekkewe feiochun ewe kapas allim.

famini fan mesen ewe temple

Sassingin eu famini me fan mesen ewe Philadelphia Pennsylvania Tempel seni Cody Bell

Feiochun Angangen Tempel

Ika pwe sia aponueta ekkewe pwon sia fori me non tempel, sipwe feioch, tumun, me pochokun. Epwe nonom rech ewe manamanen pristut. Ach famini repwe chufengen tori fefeino.

Ewe tempel pwan eu nenien kinamwe me pwarata. Nupwen sia fori angangen tempel, sia tongeni angei emwen non pekin ngun me mefi an Kot tong.

Seni ekkewe Pukfel

Noun ewe Samon kewe aramas ra koko ar repwe kouta tempel (nengeni Doctrine and Covenants 124:39).

Ewe angang a wes me non ekkewe tempel pachenong ririfengenin famini (nengeni Doctrine and Covenants 138:47–48).

Ekkewe angangepin sia fori me won fonufan rapwan fis non nang (nengeni Matthew 16:19; Doctrine and Covenants 132:46).

© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun renPorous iteiten Maram ren Liahona, October 2021. Chuukese. 17474 901