“Prihsduhd en Koht,” Ong Kakehlepen me Pwulopwul kan, Oahkos 2021, 20-21.
Padahk en Sounpwong kan Ong Kakehlepen me Pwulopwul kan Kaweid, Oahkos 2021
Iei Prihsduhd en Koht
Dahme me pwulopwul koaros anahne ese duwen prihsduhd oh katep ong irail.
Kumwail diarehr uwen liseliping me kin kak pwarada ansou me lepin lokaia ehute kin kak doadoahk nan mwekid riau? Ni karasepe, ni lepin lokaiahn Inglis sampah kin wehwehki sampah me kitail koukousoan powe oh pwehl me mih pahn nehtail kan. Kawehwe pwuko koaros pwung, ahpw kawehwe me kumwail wie doadoahngki ansouo kin pahsan dahme kumwail koskosoia ansouo. Pwehn kalaudehla liselipingo, ansou me sampah kin wehwehki atahil sampah, e pil iangahkipwehl pwehki pwehl wia kisehn sampah.
Kawkawehwe Duwen Prihsduhd
Ehu lepin lokaia me kitail kin doadoahngki nan Mwomwohdiso nan mwekid riau iei prihsduhd. Lepin lokaia wet wehwehki kehl unsek oh manaman en Koht. Ahpw, kitail pil kin doadoahngki prihsduhd ni ehu soangen mwohmw—me wehwehki “kehl oh manaman me Koht ketikihong irail me kolokol prihsduhd en wia mehkoaros me konehng pwehn kamaurala sapwellimen Koht serihkan.”1
Prihsduhd me kohieng pohn aramas sohte kolokol manaman en Koht koaros. Chart me sansal pah kawehwehda ire wet.
Nan chart wet kumwail kin kilang karasaras kan en manaman en Koht, me kin poatoapoat oh sohte imwi. Kumwail pil kak kilang loale karasaras kan en kehl oh manaman en prihsduhd en Koht me E ketin ketikihda pohn, de ketikihong, ohl warehng kan pwehn kaweid Mwomwohdiso en Krais.
Karasaras kan en Manaman en Prihsduhd nan Amwail Mour
Kapai kan koaros en prihsduhd kin kohda ong sapwellimen Sahm Nanleng serepein oh pwutak kesempwal kan. Keriaun irehkan iei me wia kapai kan me kohieng kumwail sang mehmen me kolokol kih kan en prihsduhd de alehier manaman en prihsduhd.
Iei koasoandi wet me Koht ketin kauwadahr pwehn kaweid doadoahk en Sapwellime Mwomwohdiso pohn sampah. Karasaras teikan duwen manaman en prihsduhd en Koht iangahki dihken kan de sounpadahk kan presiden en pwihn me kin kahluwa doadoahk en ah pwihn, kapai kan en pahpa men me kin kohda nan peneinei, oh tiahk sarawi oh inou kan en tehnpas sarawi.
Ohl akan, Lih akan, oh Prihsduhd
Tetehn ohpis en prihsduhd kin kohda oh kasarawi ohngete ohl akan, Presiden Dallin H. Oaks, Sounsawas Keieu nan Presidensi Keieu, kawehwehdahr ehu iren kaweid kesempwal: “Prihsduhd wia ehu manaman sarawi kesempwal en Koht me kin wie epwehpwel ni keninei pwehn kapaiada Sapwellime seri koaros. Prihsduhd kaidehn irail me kasarawihongehr pwukoah en prihsduhd de me kin wie doadoahngki. Ohl akan me kolokol prihsduhd kaidehn irail prihsduhd. … Kitail sohte anahne ekerki ohl me kasarawihong prihsduhd prihsduhd.”2
Tetehn lih akan sohte kin kasarawihong ren ale prihsduhd, Presiden Russell M. Nelson kawehwedahr me, “ansou me kumwail kasarawihong en papah nan ehu malipilip sang mehmen me kolokol kih kan en prihsduhd … kumwail alehier manaman en prihsduhd en doadoahngki amwail malipilipo.”3 Ekei karasaras en mwekid wet iangahki presidensi kan en Peinakapw kan, sister misineri kan me kin kalkalohk, sounkaweid kan nan ward oh steik kan me kasarawihong en kihda kasukuhl oh kaweid, oh tohn doadoahk en tiahk sarawi kan nan tehnpas sarawi.
Manaman en Prihsduhd kin Kapaiada Aramas Koaros
Kapai kan me kumwail mwahnakapw kan oh peinakapw kan kin ale wia amwail pwehki inou kan me kumwail wiahda ni amwail pepdais oh inou kan me kumwail pahn wiahda nan tehnpas sarawi. Itarete ma sohte me kolokol prihsduhd nan amwail peneinei, kumwail kak ale kapai sang ni manaman en prihsduhd en Koht nan amwail mour ni amwail kin kolokol inou kan me kumwail wiadahr Reh (tehk 1 Nephi 14:14).
Ni atail kin momourki atail inou kan, kitail kin ale kapai kan me kakehlailih oh kapai kitailda. Se luke kumwail en medewe kapai kan en prihsduhd nan amwail lour—kapai kan me kohda pwehki manaman en prihsduhd en Koht me sohte imwi oh kapai kan me kohda sang manaman en prihsduhd me kin kohda oh kasarawihla nan Mwomwohdiso en Koht.
© 2021 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Padahk en Sounpwong kan Ong Kakehlepen me Pwulopwul kan, Oahkos 2021, Mahsen.17472 885