Ewe Pristut an Kot

Seni ewe Presetensin Fopun Unus

Met sarafo meinisin repwe sinei ussun ewe pristut me ar akoko ngeni.

Sasing

sarafo

Ami mi fen eteneki ika epwe ifa ussun awosukosukan nupwen ew fos epwe nounou non ruu sokkun napanapan? Awewe chok, ewe fos non fosun merika fonufan a awewe ngeni ir me ruu ewe fonufan sa nom won me ewe pwun fan pechech. Ir me ruu mi pung, nge met wewen nupwen ka nounou ewe napanapen awewen anongonong won met ewe ka fosun non ena fansoun. An epwe fori an epwe kon awosukosuk, nupwen fonufan wewen ach ei fonufan fan nang, a pwan apachanong ewe ekiek ren pwun pokiten pwun mi nom won ewe fonufan.

Awewei ewe pworous Pristut

Ew pworous sia nounou non ewe Mwichefen non ruu napanapan pristut. Ewe nounoun a wewe ngeni ewe ukukun manaman me mumuta an Kot. Iwe nge, sia pwan nounou pristut non ew napanap mi kauk—a wewe ngeni “ewe manaman me mumuta ewe Kot a ngeni me efeiochu kewe mi wor rer pristut ar repwe omokutu non mettoch meinisin mi tufich ngeni ren ewe amanauen noun Kot semirit.”¹

Ewe pristut a no ngeni aramas esap meinisin seni an Kot manaman. Ewe porous non ununun a esisinata napanapen awewen.

Non ei porous mi nom non ununun chunga ouwa tongeni kuna ekkoch awewen manamanen Kot, ewe mi chok soposop me ese wor nesopun. Non ena, ka pwan kuna awewen ewe manaman me mumuta an Kot ewe pristut a wata won, ika ngeni, mwan mi unusoch repwe anganga non an Kraist ewe Mwichefen.

Ekkoch Awewen Mumutan Pristut non Manauom

Meinisin ekkewe efeiochun ewe pristut mi kawor fan iten meinisin noun Samach won Nang nengin me at. Ei oruwen tetenitiwan a pwarano ekkana efeioch ra feitto ngonuk seni emon a wor ren kewe kien pristut ika wor ren ewe mumutan pristut mi kawor ngeni.

Iei ewe teten Kot a fen forata fan iten ewe mwich me angangen An Mwichefen won fonufan. Pwan ekkoch awewen mumutan an Kot pristut a pachenong emon presetenin tiken ika mwichen ticher ewe a wor ren kewe ki an epwe emweni ewe angangen an ewe mwich, an emon sam efeioch a awora non ew imw, me angangepinin non tempel me kewe pwon.

Mwan, Fefin me ewe Pristut

Ina mwo ika ewe sikita ngeni pristut a kawor ngeni chok mwan, President Dallin H. Oaks, Ouremonun Chon Aninis non ewe Aewin Presetensi, a awewei ew auchean nongonong: “Ewe pristut ew an Kot manaman me mumuta a kawor non nukunuk an epwe aea fan iten an Kot angang mi auchea ngeni meinisin Noun semirit. Pristut esap ekkewe aramas minne ra fen seikita ngeni eu wis non ewe pristut are ekkewe ra anganga ei mumuta. Ekkewe mwan minne ra kamoch ewe pristut esap ir ewe pristut. … Sisap ekieki ngeni ekkewe mwan ra sikita pwe ir ewe pristut.”²

Ika mwo kewe fefin rese sikita ngeni ewe pristut, President Russell M. Nelson a awewei, “nupwen ouwa ewis ren ami oupwe angang non ew kokko fan emwenien emon a omochu kien ewe pristut … a kawor ngonuk ewe mumutan ewe pristut om kopwe mokutukut non ena wis.” Ekkoch awewen ei a pachenong kewe presetensin Fopun, kewe misineri nengin ra afanafana ewe kapas allim, sou emwen non wart me steik ra fen pin ewis ngenir ar repwe osukun me emwen, me kewe chon angangen angangepin non ewe tempel.

Manamanen Pristut A Efeiochu Meinisin

Ekkewe efeioch ami onuon me fopun ouwa angei, ami seni ekkewe pwon ouwa fori fansoun papatais me kewe pwon oupwe fori non tempel. Inamo ika ese wor om ika ese wor emon a wor ren ewe pristut non imwom ewe, enn mi chok chiwen tongeni efeioch ren an Kot ewe manamanen pristut non manauom nupwen kopwe aponueta ekkewe pwon kafen fori ngeni I (nengeni 1 Nifai 14:14).

Nupwen sia manauweni anongonong won ach kewe pwon, sia angei kewe feioch ra apochokuna me efeiochu kich. Sia koruk om kopwe ekipwichi ekkewe efeiochun pristut non manauom—ekkewe efeioch ra feitto pokiten an Kot manamanen pristut ese much me ekkana ra feitto seni ewe mumutan ewe pristut ena mi kawor me mumuta non an Kot Mwichefen.

© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous Iteiten Maram Ren Pochokunen Sarafo, August 2021. Chuukese. 17472 901