Mukenji wa ku Ngondo wa Liahona Ngondo Muisambombo 2021

Bunzambi Ntshinyi?

Tatu wa mu Diûlu, Yezu Kilisto, ne Nyuma wa Tshijila badi bantu basatu bashilangana bikala ne kipatshila kamue.

Kabujima ka Tshimonyi tshia Kumpala, kudi Jon McNaughton

Mufundi wa tshibejibeji mukuabu wakakonka Muambi Joseph Smith tshidi bidimba bia Ekelezia wa Yezu Kilisto wa Bansantu ba Matuku a Ndekelu bitabuja. Mu diandamuna, Muambi wakafunda malu 13 a ditaba atudi tubikila ne Tunungu tua Ditabuja. Kanungu ka Kumpala kadi kamba se, “Tudi tuitabuja mu Nzambi, Tatu wa Tshiendelele, ne mu Muanende, Yezu Kilisto, ne mu Nyuma wa Tshijila ” (Tunungu tua Ditabuja 1:1). Bobu basatu badi benza tshitudi tubikila ne Bunzambi.

Nzambi, Tatu wa Tshiendelele

Nzambi udi ne mubidi mubika ku bafua wa musunyi ne mifuba. Udi Tatu wa nyuma yetu. Udi munanga ewu yonsu wa ku bana Bende bimpa. Nzambi udi tshishiki, udi ne bukola bonsu, ne mmumanya bintu bionsu. Udi muakane, mufuidianganyi wa lusa ne muimpe. Tuvua bansombe mu nyuma ne Nzambi kumpala kua kuledibua kuetu. Wakatutuma pa buloba bua kulonga ne kukola. Dijinga dinena dia Nzambi didi bua ewu yonsu wa ku bana Bende alukila bua kusomba Nende kabidi panyima pa lufu. Nzambi udi utulongesha ne tudi ne tshia bua kulonda Yezu Kilisto bua kualukila kumpala kua Nzambi.

Kilisto Udi Uyisha mu Muaba wa Nyuma, kudi Robert T. Barrett

Yezu Kilisto

Yezu Kilisto udi ne mubidi mubika ku bafua wa musunyi ne mifuba. Udi Muana wa Buta wa Nzambi. Kumpala kua tuetu kuledibua, Nzambi wakamusungula bua kuikalaye Musungidi wetu. Etshi tshidi tshiumvuija ne Yezu wakalua pa buloba bua kuikala tshilejelu tshietu, kulongesha lumu Luende, kukupula mibi yetu ne kutupikula ku lufu. Kupitshila ku Yezu Kilisto, tudi mua kubuikidibua ku mibi yetu, patudi tuyitonda. Yezu Kilisto wakakenga bikola bua ikala utumvuila ne ukutuambuluisha. Yezu Kilisto wakafua ne udi ne muoyo kabidi, kubienzeye bua bikala bua muntu yonsu.

Foto nya kudi Getty Images

Nyuma wa Tshijila

Nyuma wa Tshijila udi umue wa mu Bunzambi udi kayi ne mubidi wa musunyi. Udi nyuma. Nyuma wa Tshijila udi ne bukola bua kuyukila ne nyuma wetu. Udi utujadikila ne Nzambi mmulelela ne Yezu Kilisto udi Musungidi wetu. Nyuma wa Tshijila udi wenza bu mutumibua wa Nzambi bua kutuuja ne dinanga, buludiki, anyi dikankamana. Patudi tutambuishibua ne tujadikibua, tudi tupeta dipa dia Nyuma wa Tshijila. Panyima pa ditambula dietu, Nyuma wa Tshijila udi mua kushala netu patudi tulama mikenji ya Nzambi.

Tshimonyi tshia Kumpala, kudi Walter Rane

Tshimonyi tshia Kumpala tshia Joseph Smith

Ntanta mule bantu bavua ne difuanyikija pa Bunzambi. Bantu kabavua bapetangana pa bualu bua Nzambi, Yezu Kilisto, ne Nyuma wa Tshijila bikala to. Etshi tshidi tshimue tshia kutubingila tua Tshimonyi tshia Kumpala tshia tshia mushinga tshia Joseph Smith. Uvua mumona ne Tatu wa mu Diûlu ne Yezu Kilisto badi ne mubidi ne badi babidi bashilangane.

Diteleja, kudi Michael Jarvis Nelson

Bashilangane kadi Bikala Bamue

Mifundu ne bambi balelu badi batulongesha ne Nzambi, Yezu Kilisto, ne Nyuma wa Tshijila mbashilangana bikala ne kipatshila kamue: dibenga kufua dietu ne moyo wetu wa tshiendelele (tangila Mose 1:39). Bu bidimba bia tshisumbu tshimue, badi benza mudimu pamue bua kutuambuluisha matuku onsu. Tudi mua kudiumvua pabuipi Nabu patudi tukudi tukudimuna mitshima ne tusungula buimpa.

Mifundu Idi Yakula pa Bunzambi

• Tatu wa mu Diûlu ne Yezu Kilisto badi ne kipatshila kamue (tangila Yona 10:30).

• Tatu wa mu Diûlu wakakula ne Muana Wende (tangila Matayo 3:16–17).

• Yezu Kilisto wakakula ne Tatu Wende (tangila Yona 11:41).

• Yezu Kilisto wakasambila bua tuikala bamue dituku dikuabu (tangila Yona 17:11).

• Joseph Smith wakamona Tatu wa mu Diûlu ne Yezu Kilisto (tangila Joseph Smith—History 1:17).

• Nyuma wa Tshijila udi ujadika se Yezu Kilisto udi Musungidi wetu (tangila Yona 15:26).

© 2021 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, June 2021. Tshiluba. 17470 760