“Met Ach we Chon Amanau a Fen Fori Fan Itach?,” Ren ewe Pochokunen Sarafo, May 2021.
Mwichen Pristut
Met Ach ewe Chon Amanau a Fen Fori Fan Itach?
ekis kinikinin
Met Jises Kraist a fori fan iten emon me emon kich? A fen fori mettoch meinisin mi auchea faniten ach sai non manauach iei ngeni ewe fansoun mi affat non ewe kokot an Samach won Nang. Upwe porous ren ruanu auchean ewe nongonongun ewe kokkot. …
Ewe Manausefan a ngeni kich ewe ekiek me ewe pochokun ne nikitu ngeni ekkewe sossotun non ei manau emon me emon kich me ekkana sia tonger sia nenengeni. A ngeni kich ew minefon aan ngeni ach sipwe nengeni ekkewe sokofesen a wor ren pekin, inis, ekiek, memef nupwen ach uputiw ika angei non manauach iei. A ngeni kich ewe pochokun ne nikitu ngeni netipechou, nipwakingaw, me netipengaw.
Ewe Manausefan a pwan ngeni kich ew pochokunen pesepes ne aponueta ekkewe annukun Kot non manauach iei. …
Ach Chon Amanau me Chon Angasano a achocho ne ani ewe riaffou ese wor e weweiti a winiti ew asoren tipisin meinisin kewe ir mi manau repwe aier. Ei asoren achasefan a awora ewe omuchunon murinno, ewe apanen siip mi nimenimoch ese wor terin, ren ewe omuchunon kaukun, kewe tipisin unusen ei fonufan. …
… Jises a aiti kich ewe kokoten manau ese much. Ei kokot a pachenong ewe Forata, ewe popun manau, ewe auchean u fengen, me ewe niffangen pungun finata. A pwan aiti ngeni kich kewe annuk me kewe pwon mi pin sipwe anneasochisir me kewe angangepin sipwe sinei ar repwe uesefanikich ngeni inach me samach won nang. …
Ach Chon Amanau a mefi me sinei sosotuch, ach tinisuk, ach netipeta, me ach riaffou, pwe I a fen sinei non an etiwa meinisin pwe kinikinin An ewe Achasefan. … Meinisin ra riaffouni ei napanap repwe chechemeni pwe ach Chon Amanau mi pwan mefi ei sokkun metek, iwe ren An Achasefan, A awora ewe pochokun emon me emon kich sipwe engino ngenii.