Paano Matutulungan ang mga Anak na Maging Mas Matatag
Mga larawan ng stick figure ng batang lalaki na nakalambitin sa lubid, batang babaeng may hawak na barbel mula sa Getty Images; litrato ng binatilyo sa India na papunta sa simbahan na kuha ni Wendy Gibbs Keeler
“Ang orihinal na kahulugan ng salitang katatagan ay may kinalaman sa kakayahan ng isang bagay na manumbalik sa hugis nito o posisyon matapos mabaluktot, mabanat, o masiksik. Ngayon karaniwan nating ginagamit ang salita para ilarawan ang ating kakayahan na buong tatag na harapin ang paghihirap. …
Kapag nagiging matatag ang mga anak, naniniwala sila na maaari nilang maimpluwensyahan at makontrol ang mga mangyayari sa kanilang buhay sa pamamagitan ng pagsisikap, pag-iisip, kaalaman, at kasanayan. … Nagtutuon sila sa kung ano ang maaari nilang magawa at hindi sa mga bagay na hindi nila magagawa” (Lyle J. Burrup, “Pagpapalaki ng Matatatag na Anak,” Liahona, Mar. 2013, 11).
-
Palaging magbigay ng kasiya-siyang mga gantimpala sa mga kilos at ugaling gusto ninyong pagbutihin nila.
-
Purihin ang pagsisikap ng anak.
-
Sabihin sa mga anak na sila ay mahalaga dahil sila ay mga anak na lalaki at babae ng Diyos at may banal na halaga.
-
Ilarawan ang kabiguan bilang pansamantala at isang oportunidad para matuto.
-
Ilarawan ang tagumpay bilang produkto ng pagsisikap at pagsasakripisyo.
-
Talakayin ang mga patakaran at magtakda ng makatwirang kahihinatnan nito, na may kinalaman sa pag-uugali, at may pagsasaalang-alang kapwa sa magulang at anak.