Sa Ia Faamaluina le Sami
Ou te nofo i Vanuatu, o se faaputuga o motu i le Vasa Pasefika i Saute. Sa ou matuai fiafia lava ina ua valu ou tausaga ina ia ou papatiso ma faamauina.
Ae sa ou popole e papatisoina i le sami i luma o lo matou fale aua e fai sina lapopoa o galu iina. O na galu e manaia i le taalo ai, ae sa ou le mautonu pe tatau ona papatiso ai. Sa ma o atu ma lou tina i le sami i talaane o lo matou fale e vaai pe faapefea le tulaga, ma sa ou iloa o le a lelei.
Sa matou filifili le aso o le a ou papatiso ai, ma e sa ou fiafia tele. Ae tei ua agi mai le afa e latalata mai i lo matou motu. Sa matou fesootai atu ma le peresitene o le paranesi ma soloia le papatisoga.
E ui ina sa iai sina tafega laitiiti mai le afa, sa mafai ona matou o atu i le lotu i lena Aso Sa. Sa faailoa mai e le peresitene o le paranesi o le a papatisoina au i le Aso Toonai.
I le taeao o le Aso Toonai, sa matua tetele lava galu, o lea sa ou pei e fefe ai. Sa faia le fonotaga i lo matou fale, ona matou savavali atu lea agai atu i le matafaga. Na ou faiatu i lou tausoga o Iosua e papatiso ia te au.
Na sii ae au e Iosua i luga o galu a o ma savavali atu, ae ina ua papatisoina au, sa malu galu. Ou te mafaufau e faapea a o faia e Iosua le tatalo, sa faafilemuina e Iesu le sami mo au.
A o ma savavali ae mai le sami, na amata ona toe sousou le vai, ae sa ou le popole iai aua ua ou susu atoa lava. Ua ou fiafia lava ua valu ou tausaga ma o le a ou mulimuli i faataitaiga a Iesu pe a papatisoina. Ou te iloa e faafofoga mai le Tama Faalelagi i a’u talosaga. ●