Visitin Tising Toktok, Oktoba 2017
Holim pas wantaim Lav Ol Dispela Husat i Lus
Wantaim preiya stadim dispela ol samting na lukluk long save wanem samting bai yu sherim Hau bai save bilong yumi long as tingting bilong Rilip Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
Presiden Dieter F. Uchtdorf, Nambatu Kaunsela insait long Nambawan Presidensi i tok: “Trupela piksa em olsem i nogat ol femili i strap stret tru … .” “Wanem ol kain problem femili bilong yu i wok long bungim, wanem samting yu mas wokim long stretim ol, stat na pinis bilong olgeta ansa em siariti, dispela puia lav bilong Krais.”1
Long ol dispela lain husat i no wok long stap insait olgeta long gospel, Linda K. Burton, pastaim Jenerol Presiden bilong Rilif Sosaiti, tok: “Papa long Heven lavim olgeta pikinini bilong Em. … Maski long we ol i stap—antap o ausait long rot—Em i laikim ol long kam bek long ples.”2
Presiden Joseph F. Smith (1838–1918) i bin tis olsem: “Maski bikhet bilong[ol pikinini bilong yu] i olsem wanem, … taim yu toktok long ol, noken wokim wantaim kros, noken wokim strong tumas, wantaim spirit bilong jasim man,” “Toktok long ol wantaim gutpela bel.”3
Elder Brent H. Nielson bilong ol Seventi i tok gen long skul Sevia givim long lain husat gat 10 hap silva na lusim wanpela: “Lukluk inap yu painim dispela. Taim dispela em i lus i wanpela bilong ol pikinini man o pikinini meri bilong yu, brata o susa bilong yu, … bihain long olgeta samting yumi ken wokim, yumi lavim dispela man o meri wantaim olgeta lewa bilong yumi. …
“Inap yu na mi kisim dispela revelesen long save hau tru long kam klostu long ol lain long laip bilong yumi husat i lus na, taim i impoten, long gat dispela strongpela bel na lav bilong Papa long Heven and Pikinini Man bilong Em, Jisas Krais, taim yumi lavim, was na wet long dispela prodigol pikinini.”4
Presiden Henry B. Eyring, Nambawan Kaunsela insait long Nambawan Presidensi, i tok: “Mi bin prei wantaim feit olsem wanpela mi lavim bai painim na pilim dispela pawa bilong Atonmen. Mi bin prei wantaim feit olsem ol ensel stap long graun bai kam long halivim ol, na ol i bin kam.
“God i mekim ol wei long seivim wanwan pikinini bilong Em.”5
Sampela moa Skripsa na Infomesen
Matthew 18:12; Alma 31:35; 3 Nephi 13:32; D&C 121:41–42
© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/17. Tok orait long tanim tokples: 6/17. Tanim tok bilong Visiting Teaching Message, October 2017. Tok Pisin. 97930 878