Serafo

Chechemeni ewe Samon Iteten Ran

Chiechiach, angang, angangen non imw, TV—mi wor chommong mettoch a murinno ach sipwe eteneki. Nge iteiten wik, sia pwon ngeni Samach won Nang “pwe [sipwe] chechemeni [Noun We, Jises Kraist]” (D&C 20:79).

Preseten Eyring a apasa pwe sia tongeni “finata finiach iteiten ran” minne epwe anisikich ach sipwe chechemei ewe Chon Amanau. Ekieki forun ew mettoch kopwe angang ngeni non ei maram om kopwe chechemeni ewe Chon Amanau. Ka tongeni fori ew pwinin maram me pwon ren ew mettoch iteiten ran om kopwe forata nefinom ngeni I. Preseten Eyring a etetenatiw mettoch ussun anneani ekkewe pukefel, iotek non nuku, me angang ngeni ewe Samon me ekkoch. Mi pwan wor maken porousen inisum, fiti mwichen mwichefen, rongorong ngeni mwichenapen mwich, feinno ngeni ewe tempel, konu kewe konun namanam—ewe tetenin mettoch mi chok soposop! Nupwen sia chechemeni ewe Chon Amanau iteitan, Preseten Eyring a pwon pwe “ekkewe feioch … repwe feitto ekis me ekis … [me] repwe anisikich ach sipwe winiti ennetin chon kaeo noun ewe Samon Jises Kraist.”