Lako Mai, Mo Muri Au—Me Baleta na Soqoni ni Matabete i Melekiseteki kei na Soqosoqo ni Veivukei

October 2017

Lako Mai, Mo Muri Au—Me Baleta na Soqoni ni Matabete i Melekiseteki kei na Soqosoqo ni Veivukei

Tekivu ena Janueri 2018

Vakatakilai na veika sotavi vou ena Sigatabu vei ira na qasecake

Ena veiyabaki sa oti, eda dau vuli mai na *Nodra iVakavuvuli na Peresitedi ni Lotu* Ena 2018, e sa na tekivu me da vakanamata kina vuli mai na itukutuku ni koniferedi raraba ena nodra ivakavuvuli na parofita bula, apositolo, kei na iliuliu ni Lotu tale eso.

Cakava na Cakacaka ka qai Ripote Tale mai

iVakatakilakila

do and report

Veika Sotavi Vou ena Sigatabu

Ena Janueri 2018, ena veisau na veisoqoni ni Sigatabu ena kuoramu ni Matabete i Melekiseteki kei na Soqosoqo ni Veivukei. Na veisau oqo e oka kina na iyaragi eda vakayagataka—ena sosomitaka na Nodra iVakavuvuli na Peresitedi ni Lotu ka vakabibitaki na vuli mai na itukutuku ni koniferedi raraba, bose vata, ka vulica e so tale na iulutaga digitaki mai vei ira na liuliu raraba.

Ia, e vakaibalebale vakalevu cake na veisau kevaka e vakayagataki na iyaragi kece oqo me rawata vakavinaka na inaki ni noda soqoni ena Sigatabu.

Na iNaki ni Noda Soqoni

E sa tuvai ira na Luvena tagane kei na yalewa na Kalou ena kuoramu vakamatabete kei na Soqosoqo ni Veivukei me rawa kina na Nona cakacaka. E dua na ka kaukauwa e yaco ni da soqoni vata ena ruku ni nodra veidusimaki era taura tu na idola vakamatabete. E dina ni bibi na veidusimaki vakosipeli, na soqoni ni matabete kei na Soqosoqo ni Veivukei e sega walega ni dua ga na kalasi, e levu cake sara. Era soqoni ni cakacaka ena noda vuli vata mai na itukutuku ni koniferedi raraba, bose vata me baleta na cakacaka ni veivakabulai, ka tuvatuva ka me rawa kina na cakacaka. Na veisau era na yaco ena 2018 ena vukei keda meda rawata na inaki oqo.

Taro kei na Kena iSau

Na veisau oqo e dua na leweni vuli vou—se dua na ka e levucake? Na veiyaya vovou oqo ena rairai vaka e dua na leweni vuli vou, ia e iyaragi talega ni kuoramu ni Matabete i Melekiseteki kei na Soqosoqo ni Veivukei ni kusati ka vakalevutaki na nodra vakaitavi ena cakacaka ni Kalou kei na kena sotavi na veigagadre ena nodra vanua. Na veisau oqo e vakarautaka e dua na buturara me kilai, bosei, ka sotava na veigagadre oqori.

Na cava eda na vakanamata kina ena veisoqoni ni Sigatabu? Tekivu ena Noveba 2017, na ilavelave ni koniferedi raraba ena Liaona kei na Ensign ena oka kina na iyaragi me na vakayagataki ena soqoni ni Matabete Vakamelekiseteki kei na Soqosoqo ni Veivukei. E rua na soqoni ena veivula ena vakanamata kina itukutuku ni koniferedi, ka na solia vei ira na iliuliu kei na qasenivuli, eso na vakasama me vukei ira na lewenilotu me ra veitalanoataka ka bulataka na itukutuku oqori. Nai matai ni Sigatabu ena vakayagataki me bosei na kena sotavi na gagadre ena nodra iwasewase ka na vulici ena ikava ni Sigatabu na iulutaga era digitaka mai na noda iliuliu raraba. Raica na ituvatuva vakavula ni soqoni ena tai ka dua ni draunipepa oqo.

Na cava e kena ibalebale me da veitalanoa vata ena gagadre ni iwasewase? Na kuoramu ni Matabete Vakamelekiseteki kei na Soqosoqo ni Veivukei “bose vata” (V&V 107:89) ena imatai ni Sigatabu ni veivula. Ena nodra veidusimaki na veiliutaki ni matabete se Soqosoqo ni Veivukei, na soqoni ni matai ni Sigatabu me vakayagataki me kilai na gagadre ena iwasewase ka bose vata me kilai na iwalewale me sotavi kina na veigagadre oqori. Na iulutaga e rawa ni vakayagataki ena imatai ni Sigatabu ka oka talega kina na iwalewale me vakavinakataki na veitaratara kei ira na leweni matavuvale, veiqaravi ena itikotiko, ka veivuke vei ira na itabagone ena tabana levu se tabana. Ena veibose tale eso, na kuoramu, ilawalawa, se Soqosoqo ni Veivukei era rawa ni veitalevi ena so na vakanananu kei na cakacaka me caka.

E tautauvata beka na leweni vuli oqo kei na Lako Mai, Mo Muri Au me baleti ira na itabagone? E dina ni duidui na veiulutaga kei na iyaragi oqori ni Lako Mai, Mo Muri Au—me baleta nodra Soqoni na Matabete i Melekiseteki kei na Soqosoqo ni Veivukei mai na nodra Lako Mai, Mo Muri Au me baleti ira na itabagone, na iwalewale ni veivakavulici kei na vuli e tautauvata. Na ikuri ni tukutuku me baleta na vulici kei na vakavulici ni kosipeli, raica na Veivakavulici ena Sala ni iVakabula ena teaching.lds.org.

Au sega ni qasenivuli. Ena gadrevi beka meu volayaca ki na Liaona se Ensign? Ena vakavutuniyautaki na veika o na sotava kevaka o sa wilika rawa mai na itukutuku ni koniferedi ka kauta mai kei iko ena soqoni ni Sigatabu. Ena rawa ni o raica na itukutuku ena mona livaliva ena conference.lds.org vaka talega kina ena Gospel Library app se vola yaca ena Liaona se Ensign (raica na store.lds.org).

Vakacava kevaka e sega ni tiko ena noqu vosa na mekasini ni koniferedi raraba? Na itukutuku ni koniferedi raraba era tiko ena duidui vosa ena conference.lds.org kei na Gospel Library app, ka ra na tiko talega na iyaragi vakaleweni vuli ena ComeFollowMe.lds.org. Kevaka e sega ni ciqomi ena nomu vosa na iyaragi ni leweni vuli vou ena initaneti se mekasini, raica na iDusidusi ni Lewenivuli ni 2018 na ikuri ni tukutuku.

Ena gauna cava esa tekivu kina na noda vulica na itukutuku vou ni koniferedi raraba? Na itukutuku ni koniferedi ni Okotova 2017 ena tekivu vulici ena Janueri 2018. Ni oti oya, era na qai vakatulewa o ira na nomuni iliuliu ena veitabana ni lotu na gauna me tekivu vakayagataki kina na itukutuku ena koniferedi ka tarava—ena vula o Me se Noveba ni veiyabaki.

Ocei ena digitaka na itukutuku ni koniferedi raraba me da vulica? O ira na nomuni liuliu ni lotu ena nomuni vanua era na qai bose vata me ra raica na itukutuku ni koniferedi cava ena sotava vinaka na veigagadre ni nomuni kuoramu, ilawalawa, se Soqosoqo ni Veivukei. Ena rawa ni duidui na itukutuku era vulica e dua na ilawalawa ni bete levu, kuoramu ni talatala qase, kei na Soqosoqo ni Veivukei ena tabana levu se tabana vata ga me rawa ni sotavi kina na gagadre duidui e tiko.

iTuvatuva ni Matabete i Melikiseteki kei na iSoqosoqo ni Veivukei

Tekivu ena Janueri 2018

	Ulutaga	Liutaki mai vei
iMatai ni Sigatabu	Bose vata me baleta na gagadre e tiko	Mataveiliutaki se veiliutaki ni lawalawa
iKarua kei na iKatolu ni Sigatabu	Na itukutuku ni koniferedi raraba sa oti	Mataveiliutaki se veiliutaki ni lawalawa se qasenivuli kacivi
iKava ni Sigatabu	Na iulutaga matailalai era digitaka mai na veiliutaki raraba ni Lotu	Mataveiliutaki se veiliutaki ni lawalawa se qasenivuli kacivi
iKalima ni Sigatabu	Na iulutaga eratou digitaka na matabisopi	Matabisopi se dua eratou sa lesia

Na idusidusi ni soqoni oqo era kune ena ilavelave ni Noveba ni Liaona kei na Ensign, ena Gospel Library app, vakakina ena ComeFollowMe.lds.org.