Visitin Tising Toktok, Septemba 2017
Bilong Wanpela Bel
Wantaim preiya stadim dispela ol samting na lukluk long painim samting long litimapim tingting long save wanem samting bai yu sherim. Olsem wanem bai save long as samting bilong Rilif Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
“Na Bikpela i kolim ol pipol bilong em Saion, bikos ol istap wantaim wanpela bel na wanpela tingting, na stap insait long pasin bilong stap stret; na no bin gat wanpela pua man namel long ol” (Moses 7:18). Hau na yumi ken kamap wan?
Elder M. Russell Ballard bilong Koram bilong ol Twelpela Aposol i tok: “Long lewa bilong dispela wod Atonmen long Inglis dispela wod wan istap. Sapos olgeta man long dispela graun save gut long dispela, bai nogat wanpela taim we bai gat wanpela man husat yumi no nap long wari long em, maski long krismas bilong em, maski long kala bilong skin bilong em, maski long em man o meri, maski long lotu bilong em, maski long em i gutpela o igat plant samting. Yumi bai wok hat tasol long bihainim pasin bilong Sevia na bai nogat wanpela taim bai yumi nogut long narapela, ino wari long narapela, ino soim rispek long narapela, o ino soim rabis pasin long narapela.”1
Presiden Henry B.Eyring, Nambawan Kaunsela insait long Nambawan Presidensi, ibin tis olsem: “We ol pipol igat [dispela] Spirit wantaim ol, [ol] ken gat pasin bilong sindaun gut. … Spirit bilong God nogat wanpela taim bai mekim kamap pasin bilong kros (lukim 3 Nephi 11:29) … Em i save lidim yumi go long pis bilong yumi wanwan na bel bilong yumi bai laik long bung wantaim ol narapela.”2
Taim em i toktok long ol salens bilong ol femili, Carole M. Stephens, husat ibin sev olsem Nambawan Kaunsela insait long Rilif Sosaiti Jenerol Presidensi, i tok: “Nogat wanpela taim mi bin stap insait long bruk bilong marit, ol pen na nogat was bilong wanpela we isave kam taim man i lusim yu, o dispela risponsibiliti isave kam wantaim yu kamap olsem singel mama. Mi no save long pen bilong dai bilong wanpela pikinini, long no inap karim pikinini, o taim narapela meri gen i gat laik long yu. Mi no bin gat dispela problem long karim pen long man i paitim mi, taim sik i holim mi longpela taim, o taim mi save no nap stop long dring na simuk. Ol dispela samting ino bin stap olsem ol opotuniti long traim taim bilong mi.
“… Tasol long ol traim taim bilong mi yet … mi bin save gut long dispela Wanpela Man husat i save. … Na tu, mi bin kisim save long olgeta dispela tes bilong dispela graun olsem mi toktok nau tasol long ol thru long ai blong wanpela pikinini meri, mama, bubumeri, sista, anti, na wanpela pren.
“Ol opotuniti bilong yumi olsem ol pikinini kavanen pikinini meri bilong God i no long lainim ol samting long ol salens bilong yumi yet tasol; em long bung wantaim insait long taim yumi pilim hevi bilong narapela na pilim sori pasin taim yumi sapotim ol narapela memba bilong ol femili bilong God long ol traim taim bilong ol.”3
Sampela moa Skripsa na Infomesen
John 17:20–23; Ephesians 4:15; Mosiah 18:21–22; 4 Nephi 1:15;
© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/17. Tok orait long tanim tokples: 6/17 Tanim tok bilong Visiting Teaching Message, September 2017. Tok Pisin. 97924 878