Poraus seni Fefin Chon Amwa, September 2017
Ew Chok Netip
Anneani ekkei puk fiti iotek me kutta om kopwe sinei met kopwe aporausa. Ifa ussun om kopwe weweiti ewe auchean popun Fin Anisi epwe ammonata noun Kot nengin ren ekkewe feiochun manau esemuch?
Nuku Famini Aninis
Iwe ewe Samon a eita ngeni noun kewe aramas Zion, pokiten ra chok tipeni ew me aani ew ekiek, me ra nom non pung; me ese wor osupwang neir (Moses 7:18). Ifa ussun sia tongeni winiti emon?
Elter M. Russell Ballard seni ewe Mwichen Engon me Ruemon Aposel a apasa: “Nukun ewe kapasen merika atonement are achesefan mi wor ewe kapas one are ew. Ika aramas meinisin ra weweiti ei, esap mwo wor emon sisap ekieki, ren ier, chon ian, emon met, ika nonnomun. Sipwe sotuni ne apiru ewe Chon Amanau me sise tongeni kirikiringaw, sokono, me asamonungaw, me tumunungaw ngeni ekkoch.”1
Preseten Henry B. Eyring, Aemonun Chon Aninis non ewe Aewin Presetensi, a afanafana: “Ikewe a wor [ewe] Ngun mi Fel ren kewe aramas, [ir] repwe mochen kinamwe. … Ewe Ngunun Kot ese tongeni forata anini fengen (nengeni3 Nifai 11:29 …A emweni ngeni an aramas repwe kinamwe me ew memefin ar repwe chufengen. 2
Porous ussun osukosuken famini, Carole M. Stephens, ewe a wiseni ewe wis ren emon Aemonun Chon Aninis non ewe Mwichen Fin Anisi Unusan, a apasa: “Use tongeni ai upwe manau non ai upwe imuseni punuwei, ewe metek me aurek a feitto seni ach sise chiwen ketiw, ika wisach ewe ach sia winiti inenap ese wor punuwan. Use mwo mefi weiresin manon emon semirit, ese wor nei, ika nengin me nengin ika at me at ra sani fengenir. Use mwo ani weiresin ninningaw, semwenitam, ika oruni aean ekkewe mettoch mi ngaw. Esap ikkei met ai watten tufich.
“… Nge non ai pusin osukosuk me sossoti … ua sineochu ewe Emon a weweiti. … Iwe pwan ew, ua fen sinei meinisin sossotun non ei manau ewe ua chok fen apasa ussun ren ach nennengeni emon nau nengin, inenap, inen ewe inenap, pwin, me tetenin inan, me chiechian.
“Ach tufich ussun noun Kot fopun mi aponueta an pwon esap chok ren ach sipwe kaeo seni pusin ach osukosuk; nge ren ach sipwe chufengen non ach sipwe wewe fengen me kirekiroch nupwen sipwe anisi ekkoch chon ewe faminien Kot non ar osukosuk.”3
Pwan ekkoch Wokisin me Porous
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/17. Kapungunon awewen: 6/17. Awewen Visiting Teaching Message, September 2017. Chuukese (Trukese). 97929 901