Visitin Tising Toktok, Augas 2017
Wok Long Stap Insait Long Sekret Laip
Wantaim preiya stadim dispela ol samting na lukluk long save wanem samting bai yu sherim Hau bai save bilong yumi long as tingting bilong Rilip Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
“Long mekim samting sekret em long blesim o dedikeitim samting olsem sekret, mekim olsem bilong ol holi wok tasol,” Elda D. Todd Christofferson bilong Kwarom bilong ol Twelpela Aposol i tok. “Trupela win insait long dispela laip i bai kam long taim yumi mekim samting sekret long laip bilong yumi—em olsem, taim bilong yumi na ol sois bilong yumi—long wok bilong God.”1
Elda Neal A. Maxwell (1926–2004) bilong Kwarom bilong ol Twelpela Aposol i tok, “Yumi save tingting olsem long pasin bilong mekim samting i kamap sekret em i olsem tasol taim yumi givim igo ol kako samting bilong yumi, taim God i askim yumi. Tasol nambawan pasin bilong mekim samting i kamap sekret em long givim yumi yet pastaim igo long God.”2
Taim yumi dedikeitim yumi yet long ol wok bilong God, feit bilong yumi long Jisas Krais na long Atonmen bilong Em bai i go bikpela. Taim yumi stap insait long wanpela sekret laip, yumi ken kamap holi long ol dispela pasin.
Carole M. Stephens, Nambawan Kaunsela insait long Rilif Sosaiti Presidensi, i tok: “Elda Robert D. Hales i tis olsem, ‘Taim yumi mekim na holim pas ol kavanen bilong yumi, yumi wok long kamaut long dispela wol and wok long go insait long kingdom bilong God.’
“Yumi kamap senis. Yumi luk narakain, na pasin bilong yumi i senis. Ol samting yumi wok long harim na wok long ridim na wok long tok em i narakain bikos yumi kamap olsem ol pikinini meri bilong God na yumi pas long em ananit long kavanen.”3
Pasin bilong mekim samting i kamap sekret em i kavanen God i save mekim “wantaim haus bilong Israel; Bihain long ol dispela dei, Bikpela i tok, bai mi putim lo bilong mi insait long bel bilong ol, na raitim long lewa bilong ol; na bai mi kamap olsem God bilong ol, na ol bai kamap olsem ol pipol bilong mi” (Jeremiah 31:33). Long stap insait long dispela sekret laip em long stap wanbel wantaim plen bilong God long yumi.
Sampela narapela skripsa
1 Thessalonians 1:3; Doctrine and Covenants 105:5;
2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/17. Tok orait long tanim tokples: 6/17. Tanim tok bilong Visiting Teaching Message, August 2017. Tok Pisin. 97923 878