Visitin Tising Toktok, Julai 2017
Olsem Bai Ol Iken Kamap Wan
Wantaim preiya stadim dispela ol samting na lukluk long painim samting long litimapim tingting long save wanem samting bai yu sherim. Olsem wanem bai save long as samting bilong Rilif Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
“Jisas ibin winim nambawan tru bung wantaim wantaim Papa taim em i putim em yet, wantaim bodi na spirit igo, long laik bilong Papa,” Elda D. Todd Christofferson bilong Kwarom bilong ol Twelpela Aposol ibin tisim.
“… Em imas tru olsem yumi no inap kamap wan wantaim God na Krais inap yumi mekim laik bilong Tupela kamap olsem bikpela laik bilong yumi. Dispela kain pasin long putim yumi yet igo long laik bilong Em yumi no inap long kisim long wanpela dei, tasol long Holi Spirit, Bikpela bai tisim yumi sapos yumi laik inap, long ron bilong taim, em iken trupela tok olsem Em i stap long yumi olsem Papa i stap long Em. 1
Linda K.Burton, Rilif Sosaiti Jenerol Presiden, i tisim olsem wanem long wok long gat dispela bung wantaim: “Mekim and holim pas ol kavanen em i wanpela toktok bilong promis long kamap olsem Sevia. Stretpela tru em long traim hat long gat dispela strongpela pasin yumi ken kolim insait long ol dispela hap toktok bilong dispela naispela him: “Mi bai go long we yu laikim mi long go. … Mi bai tok wanem samting yu laikim mi long tok. … Mi bai kamap wanem samting yu laikim mi long kamap.”2
Elda Christofferson i tokim yumi gen olsem “Taim yumi wok long traim olgeta dei and olgeta wik long bihainim rot bilong Krais, spirit bilong yumi tokaut long bikpela bilong em, pait insait long yumi bai pinis, na temtesen bai stop long givim yumi long trabel.”3
Neill F. Marriott, Nambatu Kaunsela insait long Yangpela Meri Jenerol Presidensi, i tokaut long testimoni bilong ol blesing bilong traim long mekim laik bilong yumi sem olsem laik bilong God: “Mi bin painim hat long rausim dispela laik bilong dispela graun long gat ol samting long wei bilong mi, inap mi luk save olsem wei bilong mi em i man i nogat inap, nogat planti samting, na i daunbilo long wei bilong Jisas Krais. ‘Wei bilong [Papa Bilong Yumi Long Heven] em i dispela rot we i lidim yumi igo long hamamas long dispela laip and long laip oltaim oltaim long wol we ibai kam.”4 Yumi mas traim wantaim daunpasin long kamap wan wantaim Papa bilong yumi long Heven and Pikinini Man Bilong Em, Jisas Krais.
Sampela moa Skripsa na Infomesen
John 17:20–21; Ephesians 4:13; Doctrine and Covenants 38:27; reliefsociety.lds.org
© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, July 2017. Tok Pisin. 97924 878