Etop eke First Presidency, eke Ofiong Itiaba ke isua 2017
Utip ke Ndiyo-nsim Utit
Ke ini eke ami nkedide akparawa, ami nkanam utom ke Ufok Abasi nte onoitem nno enyene eti-ibuot president distrct kiet. Kpukpru ini enye ekesidomo ndikpekpeb mi nkpo. Ami mmeti item kiet emi enye okonode mi ini-kiet ete: “Ini emi afo osobode ye owo ekededi, nam nkpo ye mmo man ebiet ete ke mmo edu ke okpopsong afanikong, ndien afo eyewak ndinen akan nte edide ke ubak ini. ” Ami nkekere nte ke enye ikekere-ke ofon. Idahaemi nte awakde akan isua Ata-ye-duop ndien, ami mmekeme ndikut danga nte enye eketimde enyene-ifiok abanga ererimbot ye uwem mfon-mfon.
Kpukpru nnyin imeyene mme idomo ndiyo—ke ubak ini, ata mkposong idomo. Nnyin imediongo ete ke Jehovah esiyak nnyin isobo ye mme idomo man otodo nnyin ibenge-idem inyung ifon-ima man nnyin ikpekeme ndidu ye Enye ke nsinsi.
Jehovah ekekpeb Prophet Joseph Smith ke Liberty Jail ete ke utip nditim nyo mme idomo esie nkure eyenwam ndinam enye odot ndibo nsinsi uwem ete:
“Eyen mi, yak ukpong fo obo emem; ndutuho ye ukut fo edidi ke esisit ini;
“Ndien ke ekemde, edieke afo oyode okure, Abasi eyemenede fi ke enyong; afo eyekan kpukpru mme asua fo” (D&C 121:7–8)
Ata ediwak idomo esisim nnyin ke uwem emi eke ekpebietde nte ke ososong ndiyo nsim utit. Oro ekeme nditibe nno ufokemana emi enyenede idorenyin ke nkpo-inwang ke ini edim midepke kanga. Mmo ekeme ndikere ete, “Adanga didie ke mmimo idibet-itre?” Oro ekeme nditibe nno iwaad kiet emi oyomde ndikan akwa ndedehe ye idomo emi oyohode isong. Oro ekeme nditibe nno akparawa kiet emi anwanade ndika ufoknwed mme ukpeb emi enye oyomde man anam-utom ada anwam nnwan ye ufokemana esie. Oro ekeme nditibe nno owo kiet emi mikemeke ndinyene utom mme eke ananade utom ndien-ndien ke nte mme ienyene-mbubehe eberide usung-itie mbubehe mmo. Oro ekeme nditibe nno mmo emi enanade nsong-idem ye osongo ke ikpokidem emi ekemede ndisosop nda-itie ke ini uyen mme ke ini usong nno mmo ye mbon-owo emi mmo emade.
Edi Abasi ima ikenimke oruk udomo oro ino nnyin man otodo ese mme nnyin iyekeme ndiyo idomo edi ekedi man okut mme nnyin iyekeme ndiyo nsim utit ndien idikabare ifon-ima.
First Presidency ekekpeb Elder Parley P. Pratt (1807–57) ke ini emi ekekotde enye nte obufa owo eke Eboho mme Apostle Duopeba ete: “Afo omoduk utom eke oyomde ata nting-enyin fo; … kabare di eti nkpo-utom. …” Afo enyene ndiyo akwa ukut, akwa utom, ye ediwak ndutuho man akabare otom ofon-ama. … Ete fo ke Enyong oyom emi; inwang-utom edi eke Esie; utom edi eke Esie; ndien Enye eye … kpeme fi … onyung emenede fi ke enyong.”1
Ke nwed Mbon Hebrew, Paul eketing abanga mfri eke ndiyo nsim utit ete: Idahaemi kanga kpukpru ntuno itiehe inem-inem, edi ababiak: edi ke ukperedem, enye onwum mfri emem ono mmo emi ekebede nsingere esie, kpa mfri edisana ido” (Hebrews 12:11)
Idomo ye ukut nnyin ono nnyin ifet ndibo-ukpeb nnyung nkori, ndien mmo ekeme ndikpuhore ata uduot-obot nnyin. Edieke nnyin iyomde Andinyanga ke ini ukut nnyin, eyenam ukpong nnyin obo emem ke nte nnyin iyode.
Mmodo, akpa nkpo eke nnyin ikpetide edi ndibong akam kpukpru ini (se ke D&C 10:5; Alma 34:19–29)
Udiana nkpo edi ndika-iso ndomo ndinim mme ewuho—ke suto ubiongo, idomo, mme ndutime emi ekpesimde nnyin (se ke Mosiah 4:30
Oyoho ita emi edide ata akpan nkpo ndinam edi ndinam nkpo nno Abasi (se ke D&C 4:2; 20:31
Oto ke utom Ete-ufok nnyin, ke nnyin ididiongo inyung ima Enye. Edieke nnyin iyiride ke akam ye utom mbuotidem, nnyin iyetongo ndikut ubok Andinyanga ye odudu Edisana Spirit ke uwem nnyin. Ediwak nnyin ke ini kiet imesino oruk utom-unwam oro inyung inyene nsanga-spirit oro. Edieke mbufo efiakde ekere kabanga mme ini oro, mbufo eyeti ete ke mme ukpuhore nkpo ama odu ke uwem mbufo. Ebiet nte ke mbukpek ke ndinam se idiok ama osuhore. Udong ke ndinam nti-nkpo ama okori. Mbon-owo emi eketimde ediongo enyung emade mbufo ekeme ndidoho ete ke: “Afo amakabare ofon-ido onyung enyene-ime akaha. Ebiet nte ke mbufo idige oruk owo eke mmimo ikofiokde ke akpa.”
Mbufo ikedige ukem owo oro aba. Ema ekpuhore mbufo oto ke Erisio-isop Jesus Christ koro mbufo ekebuot-idem ke Enye ke ini idomo osimde mbufo.
Ami nnwongo nno mbufo nte ke Jehovah eyenwam mbufo ke ini idomo osimde mbufo edieke mbufo ediyomde enyung enam-nkpo eno Enye ndien ke ukpong mbufo eyefon-ama oto ke ndaha oro. Ami mbenge nte yak mbufo enyene mbuotidem ke Enye ke ofuri ini afanikong mbufo.
Ami mmediongo nte ke Abasi Ete odu-uwem ndien ke Enye esikop onyung oboro ofuri akam nnyin. Ami mmediongo nte ke Eyen Esie, Jesus Christ, ama ekpe ekom-urua ono ofuri idioknkpo nnyin ndien ke Enye oyom nnyin idi itiene Enye. Ami mmediongo nte ke Ete ye Eyen ke ekpekpeme nnyin enyung ebenge usung enim eno nnyin ndiyo nsim utit man ifiak inyong ika ufok.
©2016 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/17. Enyimme Ndikabare: 6/17 Edikabare Etop eke First Presidency Message, July 2017. Efik. 97927 553