Ngaahi Tali mei ha ʻAposetolo
Ko e hā ʻa e fakataha alēlea fakafāmili?
Mei he “Ngaahi Fakataha Alēlea Fakafāmilí,” Liahona, Mē 2016, 63–65.
Ko e fakataha alēlea fakafāmilí ko ha fakataha ia ʻi ha ʻaho pē ʻo e uiké. ʻE lava pē ke hoko ia ko ha fakataha ʻa e mātuʻá mo koe pe ko ha fakataha mo e fāmilí kotoa. Ko ha taimi ia te ke lava ai ʻo fakahoko ʻa e ngaahi meʻa ko ʻení …
-
Tamateʻi hoʻo nāunau fakaʻilekitulōniká kae fesiofaki mo fanongo ki he fāmilí.
-
Talaange ki hoʻo mātuʻá ʻa e ngaahi meʻa ʻokú ke hohaʻa pe manavahē ki aí.
-
Fakahā hoʻo fie tokoni ki haʻo tokoua lolotonga ha taimi faingataʻa.
-
Fokotuʻu ha ngaahi taumuʻa pea hiki ia ʻi ha laʻipepa.
ʻE hanga ʻe he fakataha alēlea fakafāmili ʻoku fakatahaʻi mo e lotú ʻo fakaafeʻi ke ʻi homou ʻapí e Fakamoʻuí. ʻE tokoni ia ke fiefia ai ho fāmilí.