Boðskapur heimsóknarkennara, júní 2017

Að hljóta prestdæmiskraft með því að halda sáttmála

Kynnið ykkur efnið sem hér er í bænaranda og leitið innblásturs til að vita hverju best er að miðla. Hvernig getur skilningur á tilgangi Líknarfélagsins búið dætur Guðs undir blessanir eilífs lífs?

Trú, fjölskylda, líkn

„Boðskapur minn til ykkar er sá að … allt þetta er til að við getum lifað hverja stund ‚blessuð með styrk prestdæmiskraftar,‘ í öllum okkar aðstæðum,“ sagði öldungur Neil L. Andersen, í Tólfpostulasveitinni.

„… Er þið takið verðug þátt í helgiathöfnum prestdæmisins, þá mun Drottinn veita ykkur enn meiri styrk, frið og eilífa yfirsýn. Hverjar sem aðstæður ykkar eru, þá mun heimili ykkar ‚blessað með styrk prestdæmiskraftar.‘“¹

Hvernig aukum við prestdæmiskraft í lífi okkar? Öldungur M. Russell Ballard, í Tólfpostulasveitinni, sagði: „Þeir sem hafa farið ofan í skírnarvatnið og síðan tekið á móti musterisgjöf í húsi Drottins, eiga kost á dásamlegum og miklum blessunum. Musterisgjöfin er bókstaflega gjöf kraftar … [og] faðir okkar á himnum er örlátur á kraft sinn.“ Hann sagði bæði karla og konur vera „gædd sama krafti“ í musterinu, „sem skilgreindur er sem prestdæmiskraftur.“²

Linda K. Burton, aðalforseti Líknarfélagsins, sagði: „Þar sem við þráum öll prestdæmiskraft í fjölskyldum og á heimilum okkar, hvað þurfum við þá að gera til að auka þann kraft í lífi okkar? Persónulegt réttlæti er nauðsynlegt til að hljóta prestdæmiskraft.“³

„Ef við erum fús til að koma fram fyrir Drottin í auðmýkt og biðja hann um að kenna okkur, þá mun hann sýna okkur hvernig við getum aukið aðgang okkar að krafti hans,“ sagði Russell M. Nelson, forseti Tólfpostulasveitarinnar.⁴

Fleiri ritningargreinar og upplýsingar

1 Ne 14:14; Kenning og sáttmálar 121:36; 132:20; reliefsociety.lds.org