Visitin Tising Toktok, Mas 2017
Dispela Pawa bilong Jisas Krais na Atonmen bilong Em we i Save Halivim Yumi
Wantaim preiya stadim dispela ol samting na lukluk long save wanem samting bai yu sherim Hau bai save bilong yumi long as tingting bilong Rilip Sosaiti bai redim ol pikinini meri bilong God long ol blesing bilong laip oltaim oltaim?
Feit, Femili, Rilif
“Mi nap wokim olgeta samting insait long Krais husat i strongim mi” (Philippians 4:13). “Maski yumi olgeta i gat ol wiknes, yumi ken daunim ol,” Presiden Dieter F. Uchtdorf, Nambatu Kaunsela insait long Nambawan Presidensi, i tok. “Tru tumas em i long dispela marimari bilong God tasol, sapos yumi daunim yumi yet na gat feit, ol wik samting ken kamap strong.”1
Sevia bilong yumi i tok insait long ol Doktrin na Kavanen, “Bai Mi go long poret bilong pes bilong yu. Bai mi stap long han sut sait na long han kais sait bilong yu, na Spirit bilong mi bai stap insait long lewa bilong yu, na ol angelo bilong mi bai raunim yu na holim yu” (D&C 84:88).
“Nephi em i wanpela eksampol bilong wanpela man husat i bin luk save, na save, na putim olgeta nid bilong em antap long dispela pawa bilong Sevia we i save halivim yumi, Elder David A.Bednar bilong Kwarom bilong ol Twelpela Aposol, i tok. “Ol brata bilong Nephi i bin pasim em wantaim ol rop na ol i bin pasim tok long bagarapim em. Plis kisim nout long preiya bilong Nephi: ‘O Bikpela, long tingting bilong mi long feit bilong mi long yu, i nap yu kisim mi kamaut long ol han bilong ol brata bilong mi; tru, tulong givim mi strong olsem bai mi i nap long brukim ol dispela ropwe ol i bin pasim mi wantaim’ (1 Nephi 7:17; tok strong i stap insait).
“… Nephi i no bin prei long senisim hap em i stap bilong en. Tasol, em i prei long strong long senisim dispela hap em i stap long en. Na mi bilip olsem em i bin prei olsem stret bikos em i bin luk save, na save, na em i bin save pinis long dispela pawa bilong Atonmen we i save halivim yumi.
“Mi no ting olsem ol rop we ol brata bilong Nephi i pasim em wantaim i bin kisim mejik na pundaun tasol long han na sukru bilong ol han bilong em. Tasol, mi ting tru olsem em i kisim blesing wantaim tingting strong na strong bilong em yet i go ausait long man yet i nap long wokim, olsem bihain em ‘long strong bilong Bikpela’ (Mosiah 9:17) wok na tanim tanim na pulim ol dispela rop, na bihain tru na i bin nap stret long brukim ol dispela rop.”2
Ol Sampela Moa Skripsa na Infomesen
Isaiah 41:10; Ether 12:27; reliefsociety.lds.org
©2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, March 2017. Tok Pisin. 97923 878