Jodikdik ro
Em̧ōj Aō Kadede Kālet
Rijeje eo ej jokwe ilo Utah, USA.
Em̧ōj aō kar bōk juon katak eo aorōk ilo juon kūlaaj eo jān Doulul eo an Jiron̄ ro ikkijeen erreo—juon unin kōnono eo me ekar kōm̧m̧an an elōn̄ jodikdik ro em̧akutkut ilo jikin jijet ko aer. Ijjab keememej aolep men ikar ekatak ilo raan eo, ak ij keememej an ritōl eo aō kōnnaan kōn juon iaan jon̄ok ko an make—n̄an erreo wōt iien otemjej. Naan ko an rekar pād wōt ippa, innām n̄a ikar kōm̧m̧ane kālet in n̄an bōke āinwōt juon men eo aorok n̄an eō.
Juon raan ke ikar iuwe ilo juon bus n̄an m̧weo im̧ō jān juon iien ikkure eļap, juon armej ilo bus eo ekar jino juon ikkure etan truth im dare. Jekar jab limo innām n̄a im jet ajri kōm kar kobaļo̧k. Ke ekar itok n̄an iien eo aō, rekar ba in kōm̧m̧ane juon men ijeļā bwe ejjab jim̧we. Men in en kar juon kālet eo epen n̄an aō kōm̧m̧ane, ak naan ko an ritōl eo jān Doulul eo an Jiron̄ ro ekar itok n̄an kōļmenļo̧kjeņ eo aō, innām kālet eo ekar pidodo. Ikar m̧akoko. Em̧ōj kadede ao kar likūt ilo aō ļōmņak ta eo inaaj kōm̧m̧ane ilo wāween eo.
Ijeļā bwe n̄e jej etal n̄an m̧ōnjar eo im kōm̧m̧an jikin n̄an men ko em̧ōj katakin kōj ijeņ, jenaaj jeraam̧m̧an kōn kajoor eo an jetōb im kōjparok jān men in kapo ko an laļ in.