Visitin Tising Toktok, Februari 2017
Atonmen Bilong Krais Em I Samting Bilong Strongim Tok Tru Long Lav Bilong God
Wantaim preiya stadim dispela ol samting na lukluk long save wanem samting bai yu sherim
Feit, Famili, Rilif
Save bilong yumi olsem Papa bilong yumi long Heven i bin givim Wanpela Pikinini Man Tasol Bilong Em olsem yumi ken stap laip na no i nap long dai na dispela promis bilong laip oltaim oltaim, i save halivim yumi long pilim lav bilong God we i nogat pinis bilong em na samting we yumi i no i nap save long en. Sevia bilong yumi i lavim yumi tu.
“Husat bai mekim yumi long we long lav bilong Krais? …
“Long wanem mi tingting strong stret olsem dai, na laip, na ol angelo, na ol kantri, na ol pawa, na ol samting i stap nau, na ol samting long kam yet,
“Na antap, na dip bilong wara, na olgeta narapela lain, olgeta wantaim i no bai i nap long mekim yumi long we long lav bilong God, we i stap insait long Krais Jisas em i Bikpela bilong yumi” (Romans 8:35, 38–39).
Long Atonmen bilong Jisas Krais, Elda D. Todd Christofferson bilong Kwarom bilong ol Twelpela Aposol i tok olsem: “Pilim pen bilong Sevia long Getsemeni na traipela pen bilong Em long kros baim bek mipela long sin taim pen bilong Em inapim dispela hevi em stretpela pasin i putim antap long mipela. Em i givim i kam marimari na kisim tok sori long lain husat i tanim bel. Atonmen bilong Jisas Krais inapim tu dispela dinau stretpela pasin mas peim mipela wantaim oraitim na bekim mipela long olgeta pilim pen yumi karim we i nogat rong bilong em. ‘Long wanem lukim, em pilim ol pen bilong olgeta man, yes, ol pen bilong olgeta lain i stap laip, man, meri, na pikinini wantaim, husat bilong dispela femili bilong Adam’ (2 Nephi 9:21; lukim tu Alma 7:11–12).”1
Krais i “makim [mipela] long insait bilong ol han bilong [Em]” (Isaiah 49:16). Linda K. Burton, Rilif Sosaiti Jenerol Presiden, i tok, “Dispela antap moa wok bilong lav i mas salim mipela wanwan i go long sukru bilong yumi long daunpasin preiya long tok tenkyu long Papa bilong yumi long Heven long lavim yumi inap, olsem Em i salim Wanpela Pikinini Man Tasol Bilong Em na stretpela Pikinini Man long pilim pen long ol sin bilong yumi, ol lewa na bel pen bilong yumi, na ol dispela i luk olsem i no stret long wanwan laip bilong yumi.”2
Ol Sampela Moa Skripsa na Infomesen
John 3:16; 2 Nephi 2:6–7, 9; reliefsociety.lds.org
2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, February 2017. Tok Pisin. 97922 878