Serafo
Iotekin Kinamwe
Ewe chon mak a nonnom non Idaho, USA
Semei me inei kewe ra kan fifiti mwich mwirin fan, me ngang ua kan tumunu pwi kewe unumon kukkun me anisir ne fori ar mongon neanowas—inamo ika ra nisosong me echik. Usually if they started fighting, I could solve the small problem quickly. Non fansoun repwe poputani ne fiu fengen, ua tongeni mwitir ne atawei ewe kukkunun osukosuk. Nge fan ekkoch a weires ai upwe fori kinamwe nupwen ew fiu a poputa pokiten ua pwan mefi song.
Ew neanouasun, a weires an pwi kewe repwe tipeew fengen. Ua kuna pwe ai we tufichin ai upwe fori kinamwe a chok fen angawano mettoch pokiten ua osukosuk. Iwe ua chok fori ai we mongon neanowas me ua chok kouno ne fos. Iwe murin, ua affatau, “Upwene iotek. Ouse mochen sipwe mosonoson ren ew minich?” Nupwen ra mosonosonono, Ua tingor efeiochun kewe mongo. Me mwen upwe awesano ewe iotek, ua apachata, “Me kose mochen anisikem pwe am pwe chon fori kinamwe.”
Akkomwan, ussun nge rese rongorong iwe ra pwan poputa ne fiu sefan. Ua mangaw nge ua sinei pwe mi namot pwe upwe awora tong me kinamwe pun upwe chok iotekin kinamwe. Mwirin ew minich, ua mefi kinamwe. Ua mongo nge use mwo nge apasa och mettoch, iwe kewe at ra kouno ne fiu. Ua esinna pwe ewe kinamwe ua mefi, ina ponuen ewe mecheresin iotek. Ua fen ioteki ai upwe emon chon fori kinamwe, me Semei won Nang a anisiei ai upwe nom non kinamwe nupwen ua ekiekin upwe puchor. Ua sinei pwe I a tongeni ennetin ngenikich kinamwe.