Visitin Tising Toktok, Januari 2017
As Tingting bilong Rilif Sosaiti
Wantaim preiya stadim dispela ol samting na lukluk long save wanem samting bai yu sherim
Feit, Famili, Rilif
Linda K. Burton, Rilif Sosaiti Jenerol Presiden i tok, as tingting bilong Rilif Sosaiti em long “redim ol meri long blesing bilong laip oltaim oltaim.”1 Thru long feit, femili, na pasin bilong halivim we yumi wok insait long “impoten hap insait long dispela wok.”2
Carole M. Stephens, Nambawan Kaunsela insait long Rilif Sosaiti Jenerol Presidensi i tok, Rilif Sosaiti “em i wok bilong dispela graun na tu em i wok bilong spirit sait.” “Dispela em wanem samting ol meri bin wokim long taim bilong Sevia, na dispela em is wanem samting yumi wok long wokim yet.”3
Taim yumi wok long lukluk i go stori long Baibel long meri Samaritan long hol bilong kisim wara, husat i bin lusim sospen wara bilong em na ron i go long tokim ol narapela lain olsem Jisas em i profet (lukimJohn 4:6–42) o lukluk i go long Phebe, husat i hamamas tasol long sevim ol narapela long olgeta taim long laip bilong em (lukimRomans 16:1–2), yumi lukim ol eksampol bilong ol meri insait long taim bilong Sevia husat i mekim strongpela wok long kam long Krais. Em tasol husat i opim wei bilong yumi i go long laip oltaim oltaim (lukimJohn 3:16).
Taim yumi wok long lukluk long ol sista lain husat i go pas long Nauvoo, Illinois, husat i bin bung long hom bilong Sarah Kimball long yia 1842 long kamapim organaisesen bilong ol yet, yumi lukim plen bilong God long bringim Rilif Sosaiti i kam kamap na long lainim wantaim prishud. Bihain long dispela Eliza R. Snow i bin raitim wanpela konstitusen, Profet Joseph Smith i bin skelim dispela. Em i bin luk save moa olsem Sios i no bin kamap stret olgeta inap ol meri i stretim ol yet. Em i bin tok olsem Bikpela i wanbel pinis long ofa bilong ol tasol olsem i bin gat samting we i moa gutpela. “Mi bai stretim ol meri ananit long prishud na bihainim mak bilong prihud,” em i tok.4
“Dispela Rilif Sosaiti i no bin wanpela narapela grup nating bilong ol meri husat i wok long traim long mekim ol gutpela samting long dispela wol. Em i bin narakain. Em i bin ‘samting moa gutpela’ bikos ol i bin stretim ananit long prishud otoriti. Stretim bilong em i bin wanpela impoten step long dispela kamapim bilong wok bilong God long dispela graun.”5
Sampela Narapela Skripsa na Infomesen
Doctrine and Covenants 25:2–3, 10; 88:73; reliefsociety.lds.org
© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, January 2017. Tok Pisin. 12588 878