2017
Kahrepen Pwihn en Sawas en Lih
January 2017

Iren Mahsen en Padahk en Pas, Senweri 2017

Kahrepen Pwihn en Sawas en Lih

Kapakap oh onopi dipwisouwet oh rapahki kaweid en ngehno pwe ken kak ese dahme ke pahn padahngki.

Relief Society seal

Pwoson, Peneinei, Sawas

Linda koasoaia kahrepen Pwihn en Sawas en Lih en “kaunopada lih akan ong kapai kan en mour soutuk,” K. Burton, President Lap en Pwihn en Sawas en Lih.1 E kin sang ni pwoson, peneinei, oh sawas me kitail kin wia nan atail “pwukoah kesemwpal nan doadoahk wet.”2

Carol koasoaia me Pwihn en Sawas en Lih “wia ehu doadoahk en paliwar oh palingehn.” M. Stephens, Soun Sawas Keieu nan Presidensi Lap en Pwihn en Sawas en Lih. “Iei mwo me lih akan kin wia nan mwehin Siseso, oh iei me kitail pil popousehlahte oh wiewia.”3

Ni atail kilang lihen Sameriao ni pwarero, me pwilikihdi ah pekid en pihlo oh tangala pwe en ndahng aramas teikan me Sises soukohp men. Sohn 4:6–42), de en Phebe, me kin pereniki sewese mehteikan nan ah mour (tehk Rom 16:1–2), kitail kilang karasaras en lih akan nan mwehin Siseso me loaloapwoatieng kohdo rehn Krais. Pwehki Ih me ketin ritingadahng kitail ahl en mour soutuk (tehk Sohn 3:16).

Ni atail kilang riatail lih pioneer kan nan Nauvoo, Illinois, me kohpene nan imwen Sarah Kimball nan 1842 pwe irail en kauwada arail ehu pwihn, kitail kilang Sapwellimen Koht koasoandi ong wahdo Pwihn en Sawas en Lih en mie oh patehng prisduhd. Mwurin Eliza R. Snow ntingiada ehu koasoandi, me Soukohp Joseph Smith tehksapahlehr. E diarada me Mwomwohdiso wet sohte kokouda mwahu lao Pwihn en Sawas en Lih kokouda. E koasoaia me Kauno sapwellimanikihda arail meirong ahpw mie mehkot me mwahu sang. E masanih, “I pahn koasoanehdi lih akan pahn priesthood pahn manaman en priesthood.”4

“Pwihn en Sawas en Lih sohte wiahte ehu pwihn en lih me songosong pwe irail en wia mehkot mwahu nan sampah. E weksang. E wia ‘mehkot mwahu’ pwehki e koasoandi sang ni mweiwei en priesthood. Kokoudahn pwihn wet kesemwpwal pwehki e sewese Sapwellimen Koht doadoahk pohn sampah.”5

Iren Pwuhk Sarawi Kapatapat oh Iren Kepehse

Doctrine and Covenants 25:2–3, 10; 88:73; reliefsociety.lds.org

© 2017 sang Intellectual Reserve, Inc. Kolokol pwuhng koaros. Ntingda nan USA. Mweimwei ni lokaiahn wai: 6/16. Mweimwei en kawewehdi: 6/16. Kawewehpen Visiting Teaching Message, January 2017. Pohnpeian. 97921 885

Iren sawas akan

  1. Linda K. Burton, nan Sarah Jane Weaver, “Pwihn en Sawas en Lih Kawauwih Ipwidi oh pil soahng tohto March 17,” Rohng en Mwomwohdiso, Mar. 13, 2015, news.lds.org.

  2. Linda K. Burton, nan Weaver, “Pwihn en Sawas en Lih Kawauwih Ipwidi.”

  3. Carole M. Stephens, nan Weaver, “Pwihn en Sawas en Lih Kawauwih Ipwidi.”

  4. Joseph Smith, nan Nei Serepein kan nan Ahi Wehi: Poadoapoad oh Doadoahk en Pwihn en Sawas en Lih (2011), 11–12.

  5. Nei Serepein kan nan Ahi Wehi, 16.