Pweng sin Mwet Forfor Luti, Jacnweri 2017

Srihpac luhn Rilif Sosaiti

Pruhe in lutlutkihn kuhfa inge ac suk kolyuck in etuh ma in akacsruhi kac.

Luhlahlfongi, Sucu, Kahsruh

Srihpac luhn Rilif Sosaiti pa in “ahkoelah muhtwacn uh nuh ke mwe insewowo luhn moul ma pahtpaht” Linda K. Burton, Prestuhn Luhlahp luhn Rilif Sosaiti el fahk.¹ Ke luhlahlfongi, sucu, ac kahsruh kuht ahkolah ke “ip yohk ke orekma” lasr uh.²

Rilif Sosaiti “pa sie orekma ke ma luhn mahno ac nguhn,” Carol M. Stephens, Mwet in Kahsruh Se Met ke Prestuhnsi Luhlahp luhn Rilif Sosaiti el fahk. “Pa ingacn ma muhtwacn uh oruh ke pacl lal Mwet Lahngo ah, ac pa ingacn ma kuht kalweni in oruh uh.”³

Ke kuht liye muhtwacn Samaria se ke luhf in kof se, suc fihliyac mwe utkof lal ac kahsruhsr in fahk nuh sin mwet sahyac ah lah Jisus El sie mwet pahluh (liye John 4:6–42), kuh nuh sel Phebe, suc enganlacna in kuhlwacnsapuh mwet sahyac ke moul lal uh (liye Rome 16:1–2), kuht liye srihkasrak luhn muhtwacn uh ke pacl lal Mwet Lahngo suc oruh ip yohk srihpac in tuhkuh nuh yurin Kraist. El pa mwet se suc ikucslah inkacnek lasr nuh ke moul ma pahtpaht (liye John 3:16).

Ke kuht nuhnkuh tahmtahel muhtwacn wiyacsr fin acn Nauvoo, Illinois, suc fahsrweni nuh lohm sel Sarah Kimball ah ke 1842 in oraclah u lalos sifacna, kuht liye plwacn luhn God in oakiyac Rilif Sosaiti ac ukwe pristut uh. Tukun Eliza R. Snow el suhmuhslah sie masap, Mwet Pahluh Joseph Smith el intein. El akihlen lah Alu uh tuh tiacna akwucki na pwacye ne ke na muhtwacn uh sramtweyuckyak. El fahk lah Leum El eis mwe sang lalos tuhsruhk oasr sie ma wo liki. “Nga fah sramtweack muhtwacn uh ye kolyuck luhn pristut ke ohiyac luhn pristut,” el fahk.⁴

“Rilif Sosaiti el tiac sie pac un muhtwacn srihke in oruh ma wowo fin facluh. Ma ingacn siena. Pa ‘sie ma wo liki’ ke srihpen ma oreklac ye wal luhn pristut. U la uh sie step enenweyuck nuh ke orekma ikacklah luhn God fin facluh.”⁵

Ma suhmuhslah ac Koano In Wi

Doctrine and Covenants 25:2–3, 10; 88:73; reliefsociety.lds.org

© 2017 sin Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn Visiting Teaching Message, January 2017. Kosraean. 97921 868