2017
Ntak emi Nka Iban odude
January 2017

Etop eke Visiting Teaching, Akpa Ofiong ke isua 2017.

Ntak emi Nka Iban odude

Bong akam kpeb nkpo emi ndien yom ndidiongo se ekpebuanade.

Relief Society seal

Mbuotidem, Ufokemana, Unwam

Linda K. Burton, Akwa Adaibuot Nka Iban okodoho ete ke, Ntak emi Nka Iban odude edi “ndibenge iban idem nno mme edidiong eke nsinsi uwem.”1 Oto ke mbuotidem, ufokemana, ye unwam emi nnyin ibuanade ke “akpan ubak-ndaha nnyin ke utom.”2

Carole M. Stephens, Akpa Onoitem ke General Presidency eke Nka Iban okodoho ete ke, Nka Iban “edi utom ikpokidem ye utom spirit.” “Ntem ke emi edi se iban ekenam ke ini Andinyanga, ndien ke emi edi se nnyin idika-iso ndinam.”3

Nte nnyin isede eyen-anwan Samaria ke obube-mmong, emi okokpongde abang mmong esie ndien efehe akasian mbon efen ete ke Jesus ekedi prophet (kese John 4:6–42), mme eke Phoebe, emi akanwamde mbon efen ke inemesit ke ofuri eyo uwem esie (kese Romans 16:1–2), nnyin imokut mme uwutnkpo eke iban ke eyo Andinyanga emi ekenamde nti utom ke ndiduk ntiene Christ. Enye edi owo emi ekeberede usung nsinsi uwem ono nnyin (kese John 3:16).

Nte nnyin isede ndito-eka iban nnyin emi ekebemde-iso ke Nauvoo, Illinois, emi ekebohode ke ufok Sarah Kimball ke isua 1842 man etongo nka mmo, nnyin idikut uduak Abasi ke ndida Nka Iban nsin ke esit man asanga ukem-ukem ye itie-oku. Ke Eliza R. Snow ama ekewet nwed-mbet okure, Prophet Joseph Smith ama afiak ese nwed-mbet oro. Enye edikut ete ke ndutum ndisiak ufok Abasi ikemke ke ndutum eke iban miduhe. Enye edidoho ete ke Abasi emebo eno eke iban edi ke eti nkpo efen ke osusuho. Enye odoho ete, Ami nyetum iban nsin ke idak itie-oku ke ubono-nkpo eke itie-oku.”4

“Nka Iban enyemi ikedige eboho iban efen emi ekeyomde ndinam eti nkpo ke ererimbot.” Ama enye ukpuhore. Ekedi ‘nkpo sifon’ koro eketongo enye ke idak odudu itie-oku. Ndutum esie ekedi ikpat-isang emi odotde ke nditat utom Abasi ke isong.”5

Itie Nwed Abasi ye Etop Efen

Doctrine ye Covenants 25:2–3, 10; 88:73; reliefsociety.lds.org

© 2017 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/16. Enyimme Ndikabare: 6/16. Edikabare Etop eke Visiting Teaching, January 2017. Efik. 97921 553

Mkpri nwed

  1. Linda K. Burton, ke Sarah Jane Weaver, “Nka Iban Enam-idara Usen-emana ye Ediwak March 17,” Mbuk Nkpo-ntibe eke ufok Abasi, Mar. 13, 2015, news.lds.org

  2. Linda K. Burton, ke Weaver, “Nka Iban Enam-idara Usen-emana.”

  3. Carole M. Stephens, ke Weaver, “Nka Iban Enam-idara Usen-emana.”

  4. Joseph Smith, ke Ndito Iban ke Obio Ubong Mi: Mbuk Eset ye Utom eke Nka Iban Ufok Abasi (isua 2011), 11–12.

  5. Ndito Iban ke Obio Ubong Mi 16 .