Fal’ Yangren

Tingi’ e Rayog Ninge Thilyeg Ban’en

Ke weliy President Uchtdorf l’agruw ban’en ni thingar tiyan’ daed ngay ni fan e mithmith rodaed: nge tu’uf Got rodaed nge pi’in nib liyeg daed. Machane boech ngiyal’ ma dani moem ninge tu’uf e gidii’ rodaed. U lane yafas rodaed, ma boch ngiyal’ napan ni gabe pir’eg nib momaw’ ni ngan non ngak boech e gidii’—ni sana bachane ke kireb nag e tafney rom fa gur e ba momaw’ ni ngam non ngak bee’ fa daryog ni nge fal’ e thin romew bee’. Ngiyal’ ney, mag gay rogon ni ngam leam nag e tu’ufeg nikam thamiy rok e pi tafagar, tabinaew, Chitamangiy nu Tharmiy, nge Yesus ristus. Leam nag e falfalen’ nikan thamiy ko napan nib momaw’ rom mag gay rogon ni ngam leam nag ya’an e gidii’ fa’anra yad gubin ma rayog ni ngar thamiyed e binem e tu’ufeg. Leam nag ni gubin e gidii’ ma fak Got ma ba tu’uf ni ngar thapeged e Birok nge birom e tu’ufeg.

Leam nag bee’ u lane yafas rom nib momaw’ ni ngam non ngak. Muneg raed nga lane meybil rom mag fith ngak e Chitamangiy nu Tharmiy ni nge bing gumircha’em ngoraed. Ra ta’aboch ma gara tabab i guy raed ni boed rogon Ir: ni raed boech Pifaak nib tu’uf e tu’ufeg roraed.

Tomuren nikan meybil, ma rrin’ ban’en nib mangil ni fan ngoraed! Sana mu pining raed ngar uned ko gosgos ko Mutual fa tafagar. Moeg ni ngam ayuweg ko skuul. Fa kemus ni ngam moeg e “mogethin” mag tingi’ ngoraed. Pin’en nib achig e rayog ni nge ngongliy ban’en nib thil … u lane yafas romed!