2016
Ebusua no yɛ Nyankopɔn Ne nhyehyɛɛ
October 2016

Visiting Teaching Amandzɛɛbɔ, Ɔbɛsɛ 2016

Ebusua no yɛ Nyankopɔn Ne nhyehyɛɛ

Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse “Ebusua No: Dawurbɔ a wɔdze ma Wiadze” ase no besi dɛn bɛma wo gyedzi wɔ Nyankopɔn mu enyin na woehyira hɔn a idua visiting teaching do ehwɛ hɔn do no? Ho nsɛm mbordo no, kɔ reliefsociety.lds.org.

Gyedzi, Ebusua, Mboa

Carole M. Stephens, Ɔpamfo a Odzi Kan wɔ Relief Society General Presidency mu no kaa dɛ; “[Primary ndwom], ‘The Family Is of God’ nkasafua mu no, … wɔkaa hɛn nkyerɛkyerɛ krɔngyeen. “Yennsua nko dɛ ebusua no fir Nyankopɔn mbom so dɛ hɛn mu kor biara kã Nyankopɔn n’ebusua ho. …

“… Egya no ne nhyehyɛɛ ma Ne mba yɛ ɔdɔ ho nhyehyɛɛ. Ɔyɛ nhyehyɛɛ dɛ ɔbɛka Ne mba abɔmu—N’ebusua—aka No ho.”1

Elder L. Tom Perry (1922–2015) a ɔkã Asomafo Duebien no hɔn Quorum ho no kãa dɛ: “Yɛsan so gye dzi dɛ kusum ebusua ebusua a ɔyɛ dzen no nyɛ kuw a oetsim, ɔman a oetsim na kusum gyinapɛn a oetsim ne fapem tɔw nko—mbom wɔsan so yɛ mfesantsen na ahenman no na Nyankopɔn n’amambu ne fapem tɔw.

“Yegye dzi dɛ wɔbɛkyekyer ɔsor nhyehyɛɛ na amambu no wɔ ebusua ebusua na ebusua ebusua a ɔtserɛw ho.”2

“Bonnie L. Oscarson, Young Women General President kãa dɛ: Obiara, a hɔn awar gyinabew anaa mba dodow a wɔwɔ no mmfa ho no, botum abɔ Ewuradze ne nhyehyɛɛ ho ban no a ɔakã ho asɛm wɔ ebusua dawurbɔ mu no.” “Sɛ ɔyɛ Ewuradze ne nhyehyɛɛ a, ɔwɔ dɛ ɔyɛ hɛn so hɛn nhyehyɛɛ!”3

Kyerɛwsɛm a Ɔkã ho

Nkyerɛkyerɛ na Ahyɛmudzi 2:1–3; 132:19

Ebusua ho Nkyerɛkyerɛ

Akyerɛbaa Julie B. Beck, nkaano Relief Society General President, kyerɛkyerɛɛ dɛ ebusua ho nyamesɛm no gyina Abɔdze, Asehwe, na Jesus Christ no Werdambɔ no do:

“Asaase no mbɔe no maa bea a ebusua ebusua no botum atsena. Nyankopɔn bɔɔ banyin na ɔbaa a nna wɔyɛ ebusua n’afa afa ebien a wohia tsitisr. Nna ɔyɛ Ɔsor Egya ne nhyenyɛɛ dɛ wɔsɔw Adam na Eve ano ma wɔyɛ onnyiewiei ebusua.

“… Asehwe no maa hɔn kwan ma wonyaa mbambanyin na mbabaa.

“[Christ no] Werdambɔ no ma kwan ma wɔsɔw ebusua no ano bɔmu mfesantsen. Ɔma kwan ma ebusua ebusua benya onnyiewiei mpontu na emudzi. Enyigye nhyehyɛɛ no a, wɔsan so frɛ no nkwangye nhyehyɛɛ no, yɛ nhyehyɛɛ a wɔyɛɛ ma ebusua ebusua. …

“… Iyi yɛ Christ ne nkyerɛkyerɛ. … Sɛ ebusua nnyi hɔ a, nhyehyɛɛ biara nnyi hɔ; ɔnnkyebo abrabɔ nnhia.”4

© 2016 Intellectual Reserve, Inc. Wɔakora ho tumdzi nyina. USA na wotsintsimii. English approval 6/16. Translation approval 6/16. Visiting Teaching Message, October 2016 ne nkyerɛasee. Fante. 12861 502

Nsɛnsin

  1. Carole M. Stephens, “The Family Is of God,” Liahona, Esusow Aketseaba 2015, 11, 13.

  2. L. Tom Perry, “Why Marriage and Family Matter—Everywhere in the World,” Liahona, Esusow Aketseaba 2015, 41.

  3. Bonnie L. Oscarson, “Defenders of the Family Proclamation,” Liahona, Esusow Aketseaba 2015, 15.

  4. Julie B. Beck, “Teaching the Doctrine of the Family,” Liahona, Ebɔw. 2011, 32, 34.

Susu Iyi Ho

Ebɛnadze ntsi na ebusua no nye fapem a ohia dodow wɔ mber yi mu na mfesantsen mu?