Visitin Tising Toktok, Septemba 2016
Long Kamap Papamama Em i Wanpela Holi Wok
Wantaim preiya stadim dispela ol samting na lukluk long save wanem samting bai yu sherim. Hau bai save bilong yu long “Femili: Tokaut i go long Dispela Graun” bai litimapim feit bilong yupela long God na blesim ol dispela lain yu save was long ol thru long visitin tising? Long moa infomesen, go long reliefsociety.lds.org.
Feit, Femili, Rilif
Papa bilong yumi long Heven i kamapim ol femili long halivim yumi long tisim ol stretpela strongpela skul insait long ples wantaim planti lav. Presiden Thomas S. Monson i tok: “ Givim pikinini bilong yupela wanpela tok hamamas na holim pas ol; tok olsem, “Mi lavim yu’ planti moa taim; olgeta taim tok tenkyu long ol. I nogat wanpela taim long ol dispela kain taim bai yu mas larim wanpela problem we yu nid long stretim kamap moa impoten long lavim wanpela manmeri.”1
Susan W. Tanner, bipo Jenerol Presiden bilong ol Yangpela Meri, i bin tisim yumi olsem: “Papa bilong yumi long Heven i soim wantaim gutpela eksampol dispela mak yumi mas bihainim. Em i lavim yumi, em i tisim yumi, em i wet isi long yumi, na em i trastim yumi wantaim laik bilong yumi wanwan. … Sampela taim ol strongpela skul long bikhet pasin, we i min ‘long tisim,’ yumi i ken paulim wantaim toktok kros. Ol liklik pikinini— tu olsem ol lain bilong olgeta krismas —mekim moa gut ol pasin i kam long lav yumi soim ol na tok bilong strongim bel ol i nidim, moa long painim ol asua bilong ol.”2
“Sapos yumi stap tru long holim femili preiya, skripsa stadi, femili hom ivinin, blesing bilong prishud, na bihainim lo bilong Sabat dei,” Elda Quentin L. Cook bilong Kwarom bilong ol Twelpela Aposol i tok, “ol pikinini bilong yumi bai … i redi long dispela hom bilong oltaim oltaim long heven, maski long wanem samting i kamap long ol insait long ol hat taim long dispela graun.”3
Sampela narapela skripsa
1 Nephi 8:37; 3 Nephi 22:13; Doctrine and Covenants 93:40; 121:41
Ol Stori Stap Laip
“Mi bin wok long ridim wanpela niuspepa taim wanpela bilong ol tumbuna pikinini man bilong mi i kam sindaun klostu stret long mi,” Elda Robert D. Hales bilong Kwarom bilong ol Twelpela Aposol i tok. “Taim mi wok long rid, mi bin hamamas tru long harim switpela nek bilong em wok long toktok i stap. Tingim kirap nogut bilong mi taim, i no long taim bihain, em i suim em yet namel long mi na pepa mi wok long ridim. Em i holim pes bilong mi namel long tupela han bilong em na putim nus bilong em i kam long nus bilong mi, na em i askim, ‘Bubuman! Yu stap insait?’
“… Long stap long hap i min olsem yumi save long ol lewa na bel bilong ol yut bilong yumi na yumi wok long join wantaim ol. Na taim yumi join wantaim ol em i no min olsem yumi toktok tasol wantaim ol, em i min tu olsem yumi wok long wok wantaim ol. …
“Yumi mas plen na kisim olgeta samting i moabeta long ol dispela tising bilong ol dispela liklik taim. …
“… Taim mi wok long stap laip yet, mi wok long luk save moa yet olsem ol dispela liklik taim we mi kisim tising long yangpela taim bilong mi, moa yet ol dispela taim ol papamama bilong mi i givim mi, dispela i mekim laip bilong mi i kamap stret na mekim mi olsem mi stap nau.”4
© 2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, September 2016. Tok Pisin. 12869 878
Tingim Dispela
Wai na em i gutpela stret long tisim gospel wantaim toktok na eksampol bilong lav?