Mahsen en Padahk en Pas, Septempe 2016
Pwukoahn Nohno oh Pahpa me Sarawi
Onop ni kapakap dipwisou wet oh rapahki ken esehla dahme ke pahn ehukihiheng mehteikan. Ia duwen wehwehkihla “Peneinei: Kalohk Ehu ong Sampah” eh kin kalaudehla ahmw pwoson Koht oh kapaiada irail akan me ke kin pwukoahki ansoun padahk en pas? Ong pil ekei iren kapehse, tehk relief society.lds.org.
Pwoson, Peneinei, Sawas
Samatail Nanleng ketin kawada peneinei kan pwehn seweseikitail padahngki kosondi mehlel oh pwung kan me pid limpoak. Presiden Thomas S. Monson masanih: “Kasalehiong noumw serien ahmw kaping kalahngan oh pwoalehdi; nda, ‘I poakepoakeiuk’ douluhl; kaping ong ih ansou koaros. Ieremen mweidong epwelahn kahpwal iou en kesemwpwal sang limpoak ong emen aramas.”1
Susan W. Tanner, president en Serepein Pwulopwul en rahnteio, padahngki: “Samatail Nanleng kin ketin kasalehiong kitail karasaras me kitail uhdahn pahn idawehn. Eh kin ketin poakohng kitail, kin ketin padahkih kitail, kin ketin kanengamahieng kitail, oh kin ketin mweidehng kitail atail saledek en pilipil. … Ekei pak kaweid, me wewehki ‘padahkih,’ kin kapwunodehkihda ekei me dene kalokolok. Seri kan—oh pil aramas en dih kan en aramas—kin kamwahuwiala wiewia sang ni limpoak oh kaweid laud sang raparapahki sapwung.”2
Elder Quentin L. Cook en Pwihn en Wahnparon Ehk-riemeno koasoaia, “Ma kitail kin wia kapakap en peneinei ni pwoson, kin onop pwuhk sarawi, kin wia soutik en peneinei, kin kihda kapai kan en prihstuhd, oh wauniki rahn sarawi, neitail seri kan pahn kak kaunopada ong ehu soanerail me poatoapoat nanleng, tehn re kin diar kahpwal nan ehu sampah apwal.”3
Iren Pwuhk Sarawi Kapatapat kan
1 Nephi 8:37; 3 Nephi 22:13; Doctrine and Covenants 93:40; 121:41
Soai kan en Rahn pwukat
Elder Robert D. Hales en Pwihn en Wahnparon Ehk-riemno koasoaia, “I wie wadewadek doaropwehn rohngo a emen nein nei seri ko kisin pwutak keido limwahi. Ni ahi wie wadawado, I perenkihda ahi rong kisin ngile ngihl mwahuo eh wie lokolokaia palio. Medewehte soangen ahi pwuriamwei ansouo, mwurin ansou kis, e pwerda nan pwungen ngehi oh doaropweo. E ahpw koledi meseiet oh ned tumweiet, ih idek, ‘Pahpa kahlap! Ke iang mi loale?’
“… Mihmi wasao wewehki esehla mohngiong en neitail me pwulopwul kan oh ehu ong irail. Oh ehu ong irail sohte wehwehkihte koaskoasoaieng irail ahpw pil iang irail wia soahng kan. …
“Kitail udahn pahn koasoanehdi oh ahniki ansou mwahu kan en kaskuhl. …
“… Uwen ansou reirei me I wie momourki, ehu ei kin wehwehkihla me padahk kan me I alehdi ni ahi pwulopwulo, ahpw mehlel soahng ko me sang rehn ahi nohno oh pahpa, me karehieng ahi mour e kak mwahu oh wiahda ihs ngehi.”4
© 2016 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/15. Kamanaman ong kawehwe: 6/15. Kawehwehpen Visiting Teaching Message, September 2016. Pohnpeian. 12866 885
Medewe Met
Dahme karehda rongamwahuo kin keieu wia mehn kamarain sang ni lokaia oh karasaras en limpoak?