Visitin Tising TOKTOK, AUGAS 2016
Lukautim Ol Femili Wantaim
Wantaim preiya stadim dispela ol samting na lukluk long save wanem samting bai yu sherim. Hau na save long “Femili: Tokaut I Go Long Dispela Graun” strongim feit bilong yu long God na blesim ol lain yu was long ol insait long visitin tising? Long moa infomesen, go long reliefsociety.lds.org.
Feit, Femili, Rilif
Wanpela “man na meri bilong em i gat wanpela bikpela risponsibiliti long lavim na lukautim tupela yet na ol pikinini bilong tupela.”1 “Hom em imas kamap olsem ples we lav na sevis bilong God iken kamap,” Presiden Russell M. Nelson, Presiden bilong Kwarom bilong ol Twelpela Aposol ibin tok.
“Papa bilong yumi long Heven i laikim ol man na ol meri bilong ol imas stap tru long tupela yet na tupela imas onaim na wokim gut long ol pikinini bilong tupela olsem wanpela samting we tupela i kisim ikam long Bikpela.”2
Insait long Buk bilong Momon, Jacob itok olsem dispela lav ol man igat long ol meri bilong ol, dispela lav we ol meri igat long ol man bilong ol, na dispela lav em tupela igat long ol pikinini bilong tupela em i stap insait long het tingting ol Lamanites ibin long wanpela taim kamap moa gutpela long ol Nephites (lukim Jacob 3:7)
Wanpela long ol gutpela wei long bringim lav na gutpela sindaun i kam insait long ol hom bilong yumi em long pasin bilong toktok gut long ol femili memba bilong yumi. Taim yumi toktok gut bai yumi bringim Holi Gos kam. Sister Linda K. Burton, Rilip Sosaiti jenerol presiden, askim yumi long tingim dispela: “Hamas taim yumi save laik long wokim na ‘toktok ol gutpela tok long wanpela narapela’?”3
Sampela narapela skripsa
Romans 12:10; Mosiah 4:15; Doctrine and Covenants 25:5
Ol stori stap laip
Elda D. Todd Christofferson bilong Kwarom bilong ol Twelpela Aposol i sherim wanpela samting em ibin pilim taim em ibin liklik mangi we ibin kamapim gutpela tingting long em long impotens bilong family igat lav namel long ol. Taim em na ol brata bilong em bin mangi tasol, mama bilong ol ibin kisim wanpela bikpela sejeri we ol dokta bin katim em long sik kensa na dispela ibin givim em bikpela pen taim em i yusim han sut bilong em. Wantaim ol pikinini man insait long femili, ol ibin gat planti klos long ainim, tasol taim mama bilong em ibin save ain, planti taim em bai stop na go insait long room bilong em na karai inap pen igo.
Taim papa bilong Elda Christofferson i luksave long wanem samting wok long kamap, em ibin hait and ino bin save kaikai long belo long klostu wanpela yia long seivim inap mani long baim wanpela masin we i save mekim isi long ain. Bikos long lav bilong em long meri bilong em, em i mekim dispela eksampol bilong lukaut insait long femili long ol pikinini man bilong em.Long dispela naispela samting, Elda Christofferson itok olsem, “Mi no bin save long dispela sakripais bilong papa bilong mi na dispela lav mama bilong mipela i wokim long dispela taim, tasol nau taim mi save, mi tok olsem long mi yet, ‘Em ya wanpela man stret.”’4
2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/15. Tok orait long tanim tokples: 6/15. Tanim tok bilong Visiting Teaching Message, August 2016. Tok Pisin. 128688 878
Tingim Dispela
Hau na dispela pasin bilong lav na lukautim wanpela narapela bai bringim Spirit ikam insait long ol hom bilong yumi?