Visitin Tising Mesis, July 2016
Wei bilong Yumi long Kamap Papamama
Wantaim preiya stadim dispela ol samting na lukluk long save wanem samting bai yu sherim. Hau na save long “Famili: Tokaut I Go Long Dispela Graun” strongim feit bilong yu long God na blesim ol lain yu was long ol insait long visitin tising? Long moa infomesen, go long reliefsociety.lds.org.
Feit, Famili, Rilif
“Em ibin nambawan samting olsem ol spirit pikinini bilong God i bon ikam long dispela graun na gat wanpela opotuniti long gohet igo long laip oltaim oltaim,” Elda Dallin H. Oaks bilong Kwaram bilong ol Twelpela Aposol ibin wok long tok taim em i tis. “Long lait bilong dispela impoten het tingting bilong dispela bikpela plen bilong amamas, mi bilip olsem dispela impoten samting we i dia tru long graun an long heven em ol pikinini na ol tumbuna bilong yumi.”1
Elda Neil L. Andersen bilong Kwaram bilong ol Twelpela Aposol itok:
“Yumi bilong ol famili, na yumi bilip long ol pikinini. …
“… God ibin tok igo long [Adam na Iv], Yu bai karim kaikai, na gro, na pulumapim dispela graun’ [Genesis 1:28]. …
“Ol ino lus tingting long dispela komanmen o ol ino putim go long arere insait long Sios bilong Jisas Krais bilong ol Lata-dei Sen.”2
Tu ino yumi olgeta bai kamap papamama long dispela laip, yumi iken lukautim ol pikinini wantaim kainkain krismas. Yumi laikim tru ol blesing bilong kamap olsem hap bilong famili bilong Papa long Heven, na yumi save pinis ol amamas and traim bilong stap olsem wanpela memba insait long wanpela famili bilong dispela graun. Na long planti, long kamap papamama em i wetim ol long taim oltaim oltaim bihain taim.
Sampela narapela skripsa
Psalm 127:3; Mathew 18:3–5; 1 Nephi 7:1; Moses 5:2–3
Ol stori stap laip
“Planti nek insait long dispela graun tude daunim dispela impoten samting bilong gat pikinini o save tok long lusim bihaintaim o katim bek ol namba long pikinini insait long wanwan famili,” Elda Andersen ibin tok. “Ino long taim igo pinis ol pikinini meri bilong mi soim mi long wanpela toktok wanpela Kristen mama (ino blong feit bilong yumi) husat igat faipela pikinini ibin raitim long intanet. Em ibin tok olsem: ‘[Long kamap bikpela] insait long dispela kalsa, em i hat tru long kisim holi lukluk antap long risponsibiliti bilong mama. … Ol pikinini painim hat long go long bikpela skul. Painim hat long go visitim narapela hap long wol, Painim hat long go nambaut long nait long laik bilong ol, Painim hat long igo eksasais long jim. Painim hat long kisim wok ol yu laikim long kisim.’ Em i tok gen: Risponsibiliti bilong mama em ino wanpela samting bilong kisim nating, em i wanpela vokeisen. Yu ino bungim ol pikinini bikos yu painim ol olsem naispela moa long ol stem. Em ino samting yu bai mekim sapos yu inap long painim taim. Em i wanem God givim yu taim long wokim.”3
© 2016 by Intellectual Reserve, Inc. All rights reserved. Printed in USA. English approval: 6/16. Translation approval: 6/16. Translation of Visiting Teaching Message, July 2016. Tok Pisin. 12867 878
Tingim Dispela
Long wanem kain ol wei famili bilong yumi long dispela graun i wankain long famili bilong yumi long heven?