Poraus seni Fefin Chon Amwa, March 2016
Foruta non Ununun Kot
Kaeo ekkei mettoch fiti iotek me kutta om kopwe sinei met kopwe aporausa. Ifa ussun om weweiti “Ewe famimi: Ew Esinesin ngeni Fonufan:” epwe anapano om nuku non Kot me efeiochu ekkewe ka tumunur non om amwar? Ren pwan ekkoch poraus, kopwe no ngeni reliefsociety.lds.org.
Nuku, Famini, Aninis
“Iwe Kot a apasa, iwe sipwe ne forata aramas, repwe chok ussuch. …
“Iwe Kot a forata aramas ussun chok I, non ewe nikinik ussun chok Kot a forata mwan me fefin” Genesis 1:26–27
Kot I Samach non Nang, me a forikicheta non nikinikin. Ren ei ennet, Preseten Thomas S. Monson a apasa: “Kot Samach a wor seningan minne epwe rongorong ach iotek. A wor mesan pwe epwe kuna ach mokutukut. A wor awan pwe epwe kapas ngenikich. A wor ngasangasan pwe epwe mefi umoumoch me tong. I mi wesewesen wor. I mi manau. Kich noun sia for ussun chok I. Sia ussun chok I me I a ussun chok kich.”1
“Aramas mi Pin non Fansoun Soponon ra kuna pwe meinisin aramas ir noun Kot non tawenon unusochun sinei; ra sinei meinisin aramas non napanaper, fofforur, me tufichin ar fisita.”2 Emon me emon “at me nengin non pekin ngun noun samach me inach non nang,”3
“[Ewe Soufos] Joseph Smith a pwan sinei pwe Kot a mochen pwe noun kewe repwe pwan angei pwan ewe chok sokkun amwararen forutach minne a wisen fori.”4 Nupwen Kot a apasa, Iwe nengeni, iei ai angang me ai ning—pwe upwe wato manau me manau ese much ngeni aramas Moses 1:39
Pwan ekkoch Wokisin
Genesis 1:26–27; 1 Corinth 3:17; Doctrine and Covenants 130:1
Seni ekkewe Pukefel
Pwin Jared ewe non ewe Puken Mormon a kutta ew anen an epwe asarama ekkewe wanifoch wa ra moneta ar repwe uwano kewe Jaredites ngeni epek ewe saat ngeni ewe fonuwen pwon. A “etenau seni efou foun fau engon me onofou fou kukunun foun fau” iwe a iotek pwe Kot epwe “atapa ekkei fau” ren outun poun “pwe repwe tongeni asarama non kiroch.” Iwe Kot “a eitieu poun me attapa efou me efou ekkewe fau.” Ewe pwonupwon a ettino seni mesen pwin Jared ewe, iwe “a kuna outun poun ewe Samon; me a ussun outun emon mwan. …
“Iwe ewe Samon a apasa ngeni I: Ka nuku ekkewe kapas minne upwe apasa?
“Iwe a ponueni: Ewer, Samon.”
Iwe “ewe Samon a pwarano inisin ngeni I [pwin Jared we]” me apasa, “Ka kuna pwe ka fen for seni napanapei? Ewer, pwan mwo aramas meinisin ra for me nepoputan seni pwisin napanapei.” (Nengeni Ether 3:1–17.)
© 2016 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/15. Kapungunon awewen: 6/15. Awewen Visiting Teaching Message, March 2016. Chuukese (Trukese). 12863 901
Ekkieki Usun Ei
Ifa ussun ach sinei pwe emon me emon aramas a foruta non ununun Kot a anisi kich non ach chu ngeni ekkoch?