Serafo
Ew Nongonongun Ai Kapasen Pwarata
Ewe chon mak a nonnom non Idaho, USA
Nupwen uwa 16, emon chiechiei a fiti kewe misineri ne chuto ren imwem we. Non ew maramen ewe aewin afanafan, meinisin ai kewe kapas eis ra ponu non fatatatoch. Uwa mefi ewe Ngun mi Fel a pwar ngeniei ewe ennetin porous ussun ewe Niwinsefanito. Mi sokono seni ekkewe mettoch uwa memefi, iwe uwa sinei pwe mi pung.
Nge inamwo, uwa mefi napenon ai use ketiw me churi sakopaten sossot use memefi me akkom. Uwa mefi akanamon, monunu, me osukosuk. Ika uwa fori met mi pung, pwata uwa churi wachimuken osukosuk? Use tongeni weweiti ifa ussun sossoti epwe minen ai murinno. Ekkewe misineri ra aitiei ai upwe echikefen me iotek, pwan mwo nukanapen ew ranin sukun. Nupwen mettoch ra poputa ne aweires uwa tingor seni non unusen netipei iwe mwitir chok uwa mefi kinamwein ewe Ngun mi Fel.
Ewe wiken ai ewe papatais a ur ren sosot. Nei ewe meinap non angnang a eniwa ngeniei an epwe atouei seni ai angang ika use nikitano ai ewe papatais ai upwe siwini emon, mwirin chok uwa nom non ewe pioing ren osukosuken foun nepeki (kidney), iwe inei me semei kewe ra ureniei pwe upwe tou seni imwem ewe. Ren chommong mettoch ese nom fan nemeniei, ai upwe kun ngeni ewe Samon a ina ewe chok ew mettoch uwa tongeni fori.
Meinisin ekkana sossot ra winiti minen ai murinno. Ra anisiei ne kaeo ussun ekkewe nongonongun ewe kapas allim, minne a awora ngeniei ew nongonongun ai kapasen pwarata.