2016
Peneinei: Kalohk Ehu Ong Sampah
January 2016

Iren Mahsen en Padahk en Pas, Senweri 2016

Peneinei: Kalohk Ehu Ong Sampah

Onop ni kapakap ki dipwisou wet oh rapahki ken esehla dahme ken sapaniki. Ia duwen wewehkihla padahk en peneinei eh kin kapaida irail kan me kumwail kin kalohkohng? Ong pil ekei iren kapehse, tehk reliefsociety.lds.org.

Pwoson, Peneinei, Sawas

Sang ni mihting lap en Pwihn en Sawas en Lih en nan 1995, ni ansou me Presiden Gordon B. Hinckley Hinkley (1910–2008) tepin wadek “Peneinei: Kalohk Ehu ong Sampah,” Bonnie L. Oscarson, Presiden lap en Peinakapw akan koasoaia: “Se inenen kapingki oh kesempwaliki kawehwe mwahu, mengei, oh mehlel en koudiahl kesempwal wet. … Kalohk me pid peneinei wialahr atail ire kesemwpwal ong ni kosoupen madamadau kan en sampah, oh I kadehde me kaweid kan me kosondier … mehlel rahnwet duwehte ni ansou me re kepwilipwildohng kitail sang rehn soukohp en Koht kerenieng pahr 20 samwalahro.”1

“Sang ni kalohk en peneineio,” Carole M. Stephens, sounsawas keieu nan presidensi lap en Pwihn en Sawas en Lih , kapatahieng, “kitail esehier, ‘Nan mour mwohn mour wet, seri ngehn kan ese oh kin pwongih Koht duwehte Samarail Poatoapoato’2 …

“… Emen emen kitail iang towe oh anahnepetail mie nan peneinei en Koht.”3

Kitail momour nan ansou ehu me pahpa oh nohno kan kin apwalih imwarail kan oh arail peneinei kan. “Peneinei: Kalohk Ehu ong Sampah” kak kaweid kitail.

Pwuhk Sarawi Kapatapat kan

Mosiah 8:16–17; Doctrine and Covenants 1:38

Soai kan en Rahn pwukat

“Lee Mei Chen Ho sang nan Tao Yuan Third Ward, Tao Yuan Tawain Stake, koasoaia me kalohk wet kamarainiekiher me ehupene kan nan peneinei kin sewese kairada wiewia sarawi kan me rasoahng pwoson, kanengamah, oh limpoak. ‘Ni ansou me I kin song kamwahuiala pein ngehi sang ni kalohk wet, I kin alehdi pepehm en nsenamwahu mehlel,’ e koasoaia.”4

Barbara Thompson, me iang miehki ansou me kalohk wet tepin wadawada oh mwuri e ahpw wiahla sounsawas nan presidensi lap en Pwihn en Sawas en Lih, koasoaia: “I medewehla ansou kis me [kalohk en peneinei] sohte nohn dokeie pwehki ei sohte pwopwoud oh sohte nei seri. Ahpw kerenieng pil ansouohte I mwadangete medewe, “Ahpw e pil dokeie. Ngehi emen tohn peneinei ehu. Ngehi nein emen serepein, rien emen serepein, me emen pahn nohnohki, me emen pahn rianiki, me rien ahi pahpa de nohno pahn nainiki, oh me nohno oh pahpa kahlap pahn nainiki. … Itarete ma ngehite me wie momour nan ahi peneinei, I wiewiahte emen peneinei en Koht.’”5

© 2016 sang Intellectual Reserve, Inc. Kolokol pwuhng koaros. Ntingdahr nan USA. Kamanaman ong lokaiahn wai: 6/15. Kamanaman ong kawehwe: 6/15. Kawehwehpen Visiting Teaching Message, January 2016. Pohnpeian. 12861 885

Iren sawas akan

  1. Bonnie L. Oscarson, “Defenders of the Family Proclamation,” Liahona Mei 2015, 14–15.

  2. “Peneinei: Kalohk Ehu ong Sampah,” Liahona, Nohpempe 2010, 129.

  3. Carole M. Stephens, “Peneinei Wia Koasoandien Koht Liahona Mei 2015, 11.

  4. Nicole Seymour, “‘Peneinei: Kalohk Ehu ong Sampah’ lelehr Pahr 10 en Ehu Irair en Ansou, Liahona, Nopempe 2005, 127.

  5. Barbara Thompson, nan Daughters in My Kingdom: The History and Work of Relief Society (2011), 148.

Medewe Met

Ia mwomwen “Peneinei: Kalohk Ehu ong Sampah” eh wia ehu ire nan atail mwehi wet?