O Le Lomiga a le AAG o le Tusi Paia i le Faa-Potukale

Na maua nei se lomiga a le AAG o le Tusi Paia i le FaaPotukale i le initoneti ia Setema i le AsEscrituras.lds.org faapea foi ma luga o le polokalama feaveai o le Potutusi o le Talalelei. O loo maua foi isi mamanu, e pei o ePub ma lomiga PDF. O le a maua lomiga e lolomiina ia Mati 2016, faatasi ai ma lomiga faaotio ma le Braille [gagana e faaaoga e tagata tauaso] i le 2016.

O le lomiga fou, ua faaulutalaina Bíblia Sagrada, Almeida 2015, e faavae i luga o le lomiga 1914 o le faaliliuga a João Ferreira Annes de Almeida o le Tusi Paia, lea na filifilia ona o le lelei tele o lona faaliliuga. I lalo o le taitaiga a le Au Peresitene Sili ma le Korama a Aposetolo e Toasefululua, na galulue ai se vaega o le Au Pulega Aoao, Fitugafulu Eria, polofesa o gagana, ma tagata o le Ekalesia mo le lima tausaga e iloiloina ma saunia le lomiga a le AAG. Ua toeitiiti atoa le 1.4 miliona tagata o le Ekalesia e tautala Faapotukale.