iVaqa ni Veisiko, Sepiteba 2015

Na iVakarau Vakalou i Jisu Karisito: Kaukawa kei na Sinai: ena Lagilagi

Vulica ena masumasu na itukutuku oqo ka vakasaqara mo kila na ka mo na wasea. Ena rawa vakacava ki na nomu kila vinaka na itovo vakalou ni iVakabula me vakalevutaka cake nomu vakabauti Koya ka vakalougatataki ira o vakaraica voli ena veisiko? Me ikuri ni itukutuku, lako ki na reliefsociety.lds.org.

iVakatakilakila

iVakatakilakila ni iSoqosoqo ni Veivukei

Vakabauta, Matavuvale, Veivukei

A sa soli vua na kaukauwa kecega mai lomalagi kei vuravura, ka sa tiko vua na lagilagi nei Tamana, ni sa tiko vata kei koya.” (V&V 93:17). E a kaya o Elder M Russell Ballard mai na Kuoramu ni iApositolo Le Tinikarua ni ena kaukauwa oqo e a bulia kina na lomalagi kei vuravura na Kalou, cakava kina na cakacaka mana, ka vosota kina na mosi mai Kecisemani kei Kalivari.¹ Ni da sa qai kila na veika oqo sa na qai toso cake na noda vakabauta na Karisito ka da sa na qai kaukauwa cake sara.

Ni da sa cakava ka maroroya na veiyalayalati ni valetabu, sa na qai vakalougatataki keda na Turaga ena Nona kaukauwa. Me vaka e tukuna o Sisita Linda K. Burton, na peresitedi raraba ni iSoqosoqo ni Veivukei, “Na maroroi ni Veiyalayalati ena veivakaukauwataki, veivaqaqacotaki, ka na veitaqomaki. … Au sotava ena dua na gauna lekaleka sa oti e dua na itokani vinaka. E a tukuna ni oti ga na nona ciqoma na nona edaumeni ni Valetabu sa vakila na nona sa vakukauwataki ena kaukauwa me vakamalumalumutaka na veitemaki.”²

A vakadinadinataka kina o Nifai na kaukauwa ni veiyalayalati. “Koi au ko Nifai au sa raica na kaukauwa ni Lami ni Kalou, ni sa teguvi … ira na tamata ni veiyalayalati ni Turaga, … ka ra na vakaiyaragi ena yalododonu kei na lagilagi ni nona kaukauwa na Kalou” (1 Nifai 14:14).

iKuri ni iVolanikalou

Jeremaia 51:15; Ai Vakatakila 1:6; Jekope 4:6–7; Mosaia 3:17

Mai na iVolanikalou

Ni sa sinai tu ena nona lomani rau o Marica kei Meri, sa qai vakatura caka mai na mate na ganedrau o Lasarusa mai na kaukauwa ni Kalou e tu vua.

Ea yaco mai o Jisu ena vale nei Marica kei Meri ni sa oti e va na siga na bulu tu nei Lasarusa ena ibulubulu. Era a lako yani kina qaravatu na ibulubulu kei Lasarusa ka vakarota ko Jisu me kau laivi na vatu isogo ni ibulubulu. A qai kaya vua o Jisu ena yalololoma, “Au a sega li ni kaya vei iko, ni ko na raica na kaukauwa ni Kalou, kevaka ko sa vakabauta?” Sa qai masu vua na Kalou na Tamana ka kaci ena domoilevu, Lasarusa mo tucake mai,

“Ia ko koya ka mate sa lako mai ka solegi tu ena isulu ni ibulubulu.” (Raica na Joni 11:1–45.) E a vakayagataka na iVakabula na Nona kaukauwa me veivueti ka vakaukauwataki keda. Na noda vakabauti koya ena tubucake ni da raica ni o Koya sa sinai tu ena kaukauwa kei na lagilagi.

© 2015 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/14. Vakadonui me vakadewa: 6/14. Vakadewa ni Visiting Teaching Message, September 2015. Fijian. 12589 858

Vakasamataka Oqo

Ena vakaukauwataki keda vakacava na kaukauwa kei na lagilagi ni Kalou?