Այցելող Ուսուցիչների Ուղերձ, հունիս 2015
Հիսուս Քրիստոսի աստվածային հատկանիշները. առաքինություն
Աղոթքով ուսումնասիրեք այս նյութը և փորձեք հասկանալ, թե ինչով պետք է կիսվեք: Փրկչի աստվածային հատկանիշները հասկանալը ինչպե՞ս կմեծացնեն ձեր հավատքը Նրա հանդեպ և կօրհնեն նրանց, ում դուք այցելում և ուսուցանում եք: Լրացուցիչ տեղեկության համար այցելեք reliefsociety.lds.org:
Հավատք, Ընտանիք, Սփոփանք
«Թող առաքինությունը զարդարի քո մտքերն անդադար. այն ժամանակ քո վստահությունը կամրանա Աստծո ներկայության մեջ. և քահանայության վարդապետությունը կիջնի քո հոգու վրա, ինչպես ցողը երկնքից» (ՎևՈՒ 121.45):
Ի՞նչ է առաքինությունը: Երեց Ջեյմս Ի. Ֆաուստն (1920-2007) ասել է. «Առաքինության բուն իմաստը ներառում է արդարության բոլոր հատկությունները, որոնք օգնում են մեզ ձևավորել մեր բնավորությունը»:1 Նախագահ Գորդոն Բ. Հինքլին (1910-2008) ավելացրել է. «Աստծո սերն ամեն առաքինության, ամեն բարության, ամեն ուժեղ բնավորության հիմքն է»:2
Կանանց և առաքինության փոխհարաբերությունների մասին Տասներկու Առաքյալների Քվորումից Երեց Դ. Թոդ Քրիստոֆերսոնն ասել է. «Կանայք իրենց հետ աշխարհ են բերում որոշակի առաքինություն՝ մի աստվածային պարգև, որը նրանց գիտակ է դարձնում ներշնչել այնպիսի հատկանիշներ, ինչպիսիք են՝ հավատքը, քաջությունը, փոխըմբռնումը և փոխհարաբերությունների և մշակույթների հղկումը: …
Քույրեր, ձեր բոլոր փոխհարաբերություններից, Աստծո` մեր Երկնային Հոր հետ ձեր փոխհարաբերությունն է ձեր բարոյական ուժի աղբյուրը, որը դուք պետք է միշտ առաջինը դնեք ձեր կյանքում: Հիշեք, որ Հիսուսի ուժը եկավ Հոր կամքին Նրա ողջ մտքով նվիրվածությունից։ … Ձգտեք լինել Հոր և Որդու այդպիսի աշակերտ, և ձեր ազդեցությունը երբեք չի թուլանա»:3
Լրացուցիչ սուրբ գրություններ
Սաղմոս ԻԴ.3–5, Փիլիպպեցիս Դ.8, Բ Պետրոս Ա.3–5, Ալմա 31.5, ՎևՈՒ 38.23–24
Սուրբ գրություններից
Այսօր հավատքով լի առաքինի կանայք օգնության են հասնում Փրկչին: Ղուկաս Ը գլխում մենք կարդում ենք մի կնոջ մասին, ով 12 տարի արյունահոսության խնդիր ուներ, որը չէր բուժվում: Նա բժշկություն էր փնտրում, երբ Քրիստոսին «մօտ եկաւ ետեւիցը, նորա հանդերձի ծայրին դպաւ. եւ իսկոյն նորա արիւնի վազելը կանգնեց: Եւ Յիսուսը ասեց, … Մեկը դպաւ ինձ. որովհետեւ ես իմացայ` որ զօրութիւն4 դուրս եկաւ ինձանից»: Այս առաքինի հավատարիմ կինը նրա առաջին ընկավ, հայտարարելով Նրան «բոլոր ժողովրդի առաջին», որ «նորան դպաւ» և «իսկոյն բժշկուեցաւ: Նա էլ ասեց նորան. Քաջացիր, դուստր, քո հաւատքը բժշկեց քեզ» (տես Ղուկաս Ը.43–48, տես նաև Զ.17-19):
Իր զորությամբ5 Քրիստոսը կարող է բուժել, հնարավորություն տալ, ամրացնել, մխիթարել և քաջություն ներշնչել, երբ մենք ընտրում ենք քաջաբար և հավատքով օգնության հասնել Նրան:
© 2015 by Intellectual Reserve, Inc. Բոլոր իրավունքները վերապահված են: Տպագրված է ԱՄՆ-ում: Անգլերենի հաստատումը. 6/14: Թարգմանության հաստատումը. 6/14: Visiting Teaching Message, June 2015-ի թարգմանությունը: Armenian 12586 201
Խորհեք այս մասին
Ինչպե՞ս է առաքինությունը զորացնում և ամրացնում մեզ: