ʻĪmisi
Photograph of actor portraying Jesus Christ in the Bible Videos.
“Naʻe akoʻi ʻe ʻEletā Lōpeti D. Heili ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he konifelenisi lahi ʻo ʻEpeleli 2014, “ʻI he ngaahi lēsoni kotoa ʻoku tau ako mei he moʻui ʻa e Fakamoʻuí, ʻoku ʻikai ha meʻa ʻe mahino mo toe mālohi ange ʻi he lēsoni ʻo e talangofuá.” ʻOku ʻikai ngata pē ʻi hono akoʻi kitautolu ʻe he sīpinga ʻa e Fakamoʻuí ʻi he ʻuhinga ʻoku mahuʻinga ai e talangofua ki he Tamai Hēvaní kae pehē foki ki he founga te tau lava ʻo talangofua aí. ʻI heʻetau toe vakaiʻi ʻa e ngaahi sīpinga ko ʻení mei Heʻene ngāué, fakakaukau ki he founga te nau ala tofa ai ha hala ke ke muimui ai ʻi hoʻo moʻuí.
ʻĪmisi
112 x 60" painting of Christ being baptized in the River Jordan by John the Baptist.
1. Neongo naʻe ʻikai ha angahala ʻa Sīsū, ka naʻá Ne talangofua ke papitaiso [Ia] “ke fakahoko ʻa e māʻoniʻoni kotoa pē” (Mātiu 3:13–17 ; vakai foki, 2 Nīfai 31:4–7 ; Sione 3:5 ).
ʻĪmisi
Jesus Christ (depicted at age twelve) in the Temple in Jerusalem. Numerous doctors of Jewish law are gathered around Christ. The doctors are listening in astonishment at the wisdom of the young Christ. (Luke 2:41-50)
2. Ko e taimi naʻe ʻilo ai ʻe Siosefa mo Mele ʻa Sīsū ʻoku akonaki ʻi he temipalé ʻi hono taʻu 12, naʻá Ne “anganofo kiate kinaua,” ʻo foki talangofua mo kinaua ki ʻapi (vakai, Luke 2:42–51 ).
3. Neongo naʻá Ne kole pe ʻe lava ke fakalaka ʻa e ipú ʻiate Ia, ka naʻá Ne tukulolo ki he mamahi he Ngoue ko Ketisemaní (vakai, Mātiu 26:36–44 ; Luke 22:39–54 ).
4. Naʻá Ne tauhi ʻa e Sāpaté mo maʻulotu ʻi he falelotu lahí (vakai, Luke 4:16–44 ).
5. Naʻe tuku ʻe Sīsū ke fakamāuʻi Ia ʻe he tangatá kae lava ʻo fakahoko e ngāue mo e nāunau ʻo e Tamaí (vakai, ʻIsaia 53:7 ; Mātiu 26:53 ; Mōsese 1:39 ).
6. Naʻá Ne fakaʻosi ʻa ʻEne ngāué ʻaki Ene tuku ke tutuki Ia ʻe he kau tangata anga-koví (vakai, Mātiu 27:35 ; Sione 10:17–18 ; Kalētia 1:3–5 ).
ʻĪmisi
Jesus Christ depicted in the midst of people of varying races or nationalities. Christ is portrayed in white robes. He has His arms extended toward the people gathered around Him. Light emanates from the figure of Christ. The background behind the other figures is dark. The artist used the dark background to symbolize the power of Satan in the world. The light around Christ is symbolic of the protection and safety found in following Christ. (Doctrine and Covenants 1:36)
7. Naʻe talangofua maʻu pē ʻa Sīsū ki Heʻene Tamaí, peá Ne hāʻele ki he maama tataliʻanga ʻo e ngaahi laumālié ʻo fokotuʻu ʻa e ngāue fakafaifekaú ai (vakai, 1 Pita 3:18–20 ; 4:6 ).
ʻĪmisi
Christ standing on a rocky ledge as He rebukes Satan who appears below Him. The painting depicts the event wherein Satan tried to tempt Christ after Christ's forty day fast in the wilderness. Christ is commanding Satan to depart from His presence.
8. Naʻe ʻahiʻahiʻi ʻa Sīsū ʻe Sētane, ka naʻe ʻikai ke Ne foʻi (vakai, Mātiu 4:1–11 ; T&F 20:22 ).
ʻĪmisi
Joseph Smith, Jr. depicted kneeling in the Sacred Grove during the First Vision. A ray of light can be seen coming from the sky down through the trees toward Joseph.
9. ʻOkú Ne hoko atu ʻi he fai e finangalo ʻo e Tamaí mo tataki ʻa e Siasí (vakai, Siosefa Sāmita—Hisitōliá 1:16–17 ; T&F 19:2–24 ).
Naʻe pehē ʻe ʻEletā Heili, “Naʻe akoʻi kitautolu ʻe Sīsū ʻi ha lea mahinongofua ke tau talangofua: “Kapau ʻoku mou ʻofa kiate au, fai ʻeku ngaahi fekaú. [Sione 14:15 ], mo e ʻHaʻu ʻo muimui ʻiate auʻ [Luke 18:22 ].” Ko e hā ha meʻa te ke fai ʻi he ʻahó ni ke ke talangofua lahi ange ai?
ʻĪmisi
ʻEletā Robert D. Hales
“Tuʻunga ʻi he talangofua hotau Fakamoʻuí, naʻá Ne fai e fakalelei maʻa ʻetau ngaahi angahalá, ʻo tau lava ai ke toetuʻu mo teuteu ʻa e hala ke tau toe foki ai ki heʻetau Tamai Hēvaní, ʻa ia naʻá Ne ʻafioʻi te tau fai ha ngaahi fehalaaki ʻi heʻetau ako ke talangofua ʻi he matelié. “Ko e taimi ʻoku tau talangofua aí, ʻoku tau tali ʻEne feilaulaú, he ʻoku tau tui ʻe lava ʻo fakamolemoleʻi ʻa e faʻahinga ʻo e tangatá kotoa pē ʻi he Fakalelei ʻa Kalaisí, tuʻunga ʻi he talangofua ki he ngaahi fono, ngaahi ouau mo e ngaahi fekau ʻo e ongoongoleleí.
ʻEletā Robert D. Hales ʻo e Kōlomu ʻo e Kau ʻAposetolo ʻe Toko Hongofulu Mā Uá, “Kapau ʻOku Mou ʻOfa ʻIate Au, Tauhi ʻEku Ngaahi Fekaú,” Liahona, Siulai 2014, 35.