Maldito ko sa una, apan ako nausab, ug ako gustong mopakigbahin sa ebanghelyo. Unsaon man nako sa pagbag-o sa akong reputasyon?
Una sa tanan, ayaw tuguti nga ang kahadlok mopugong nimo. Kon ikaw natandog pinaagi sa Espiritu ug naningkamot sa paghinulsol ug pag-usab, usa kana ka talagsaon nga butang. Hinumdumi, kini nga kausaban mahitabo pinaagi sa makaabag nga gahum sa grasya ni Jesukristo. Uban sa Iyang tabang, ikaw mahimong usa ka bag-o nga tawo ug magsugod sa pag-usab sa imong reputasyon. Motabang usab Siya nimo sa pagpakigbahin sa ebanghelyo. Bisan tuod ang pag-usab sa imong reputasyon magkinahanglan og panahon, kini angay kaayo. Ania ang pipila ka mga butang nga imong mahimo niana nga proseso:
-
Pangayo og pasaylo sa mga tawo nga imong napasakitan.
-
Pangita og paagi sa pagpakita og kamabination ngadto sa mga tawo nga wala nimo pakitaa og kamabination kaniadto.
-
Kanunay nga magpakasinsero ug magpakatinuod.
-
Kon ang mga tawo nga imong gikauban dili mabination ngadto sa uban, pahunonga sila o ikaw ang mohunong sa pagpakig-uban nila. Kon dili, ang mga tawo mohunahuna nga ikaw sama ra kanila.
-
Hunahunaa ang pagtuon sa Moroni 7 ug pag-ampo alang sa gugma nga putli.