iVaqa ni Veisiko, Janueri 2015
Na Veika e Kilai Tani Kina o Jisu Karisito: Luvenatagane Talairawarawa
Vulica ena masumasu na itukutuku oqo ka tovolea mo kila na ka mo na wasea. Ena vakalevutaka vakacava na nomu vakabauti Koya na kilai vakamatata ni bula kei na ilesilesi ni iVakabula, ka vakalougatataki ira o vakaraica voli ena veisiko? Me ikuri ni itukutuku, lako ki na reliefsociety.lds.org.
Vakabauta, Matavuvale, Veivukei
Kena muri na ivakaraitaki ni talairawarawa i Jisu Karisito e tosoya cake na noda vakabauti Koya. “Eda na kurabui li,” a kaya o Elder Jeffrey R. Holland ena Kuoramu ni iApositolo Le Tinikarua, “ni a digitaka taumada o Karisito me vakamatatataki koya ena veiwekani kei na tamana—ni a lomani koya ka talairawarawa vua ka soli koya ki vua me vaka na gonetagane yalodina e vakakina? … Na talairawarawa sa imatai ni lawa ni lomalagi.”1
E vakatavulica na ivolanikalou “Ia ni da sa muria e dua na ivakaro, ena vakalougatataki keda na Kalou ena ka sa yalataki tu kina” (V&V 130:21). E yaco na noda tubu vakayalo ni da toro voleka kivua na Kalou ena talairawarawa ka sureta na kaukauwa ni Veisorovaki ni iVakabula ki na noda bula.
“Ni da lako ena talairawarawa ki na ivakavuvuli kei na ivakaro eso ni kosipeli i Jisu Karisito,” a kaya o Elder D. Todd Christofferson ena Kuoramu ni iApositolo Le Tinikarua, “eda rekitaka e dua na vakadrodroi ni veivakalougatataki veitomani a vakataudeitaka na Kalou ena Nona veiyalayalati vata kei keda. Na veivakalougatataki oya e vakarautaka na ivurevure eso eda gadreva meda cakacaka kina ka sega walega ni tukuni me caka ni da lako curuma na bula. … Na talairawarawa e solia vei keda na vakatulewa levu cake ki na noda bula, na dodonu meda toro mai ka lako yani, meda cakacaka ka bulika.”2
iKuri ni iVolanikalou
Mai na iVolanikalou
“Ena rawa beka ni soli tale vua e dua na tamata na kaukauwa vakayalo e taukena e dua mai na nona talairawarawa vakawasoma ki na ivunau?” a taroga o Elder David A. Bednar ena Kuoramu ni iApositolo Le Tinikarua. “Na isau matata … ni sega.”3
Na vosa vakatautauvata ni goneyalewa e lewe tini e sa dua na ivakaraitaki ni vakavuvuli oqo. Eratou sa kauta taucoko na goneyalewa na nodratou cina me “veitatavaki kaya na tagane sa qai vakawati,” e lima walega eratou vuku ka kauta na waiwai ena nodratou cina. Eratou a lialia na lima kadua baleta ni ratou “sega ni taura vata kei iratou na waiwai.”
Sa qai yaco mai na kacikaci ena lomaloma ni bogi: “Raica, sa lako mai na tagane sa qai vakawati; dou laki veitatavaki kaya.” Era a vakarautaka taucoko na goneyalewa na nodra cina, ia a sega na nodratou waiwai na yalewa lialia. Eratou sa kaya kivei iratou na yalewa vuku, “Solia mai vei keitou e dua na nomudou waiwai; ni sa boko na neitou cina.”
Ratou a sauma na yalewa vuku, “De sega ni takiveilevu vei keda: dou lako … ka volia na nomudou.” Ia ni ratou sa lako na yalewa lialia, sa tadu mai na tagane sa qai vakawati ka ratou curu vata kei koya na goneyalewa vuku a “sa qai sogo na katuba”
© 2015 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/14. Vakadonui me vakadewa: 6/14. Vakadewa ni Visiting Teaching Message, January 2015. Fijian 12581 858
Vakasamataka Oqo
Na cava eso na ivakaraitaki ni talairawarawa ena ivolanikalou?