Shoko reDzidziso yeKushanyirana, Gunyana 2014
Basa Dzvene raJesu Kristu: Munyaradzi
Nemunamato dzidza chinyorwa chino uye wotsvaga kuziva izvo zvekugovera. Kunzwisisa upenyu nebasa reMuponesi zvinowedzera sei rutendo rwako maAri nekuropafadza avo vaunotaririra kuburikidza nedzidziso yekushanyirana? Kuwana rumwe ruzivo, enda ku www.reliefsociety.lds.org.
Ruvimbo • Mhuri • Rubatsiro
Jesu Kristu akavimbisa, “Handingakusiyi muri nherera; ndinovuya kwamuri” (Johane 14:18). Anozotipa “korona panzvimbo yamadota, mafuta emufaro panzvimbo yokuchema” (Isaya 61:3). Nokuda kwekuti Kristu akatambudzikira Rudzikinuro kune mumwe nemumwe wedu, Haazotikanganwi” “Muponesi wedu akatora paAri….. marwadzo edu uye matambudziko nezvinetso zvedu kuitira kuti Agokwanisa kuziva manzwiro edu uye kuti anotinyaradza sei,” akadaro Linda S. Reeves, mutevedzeri wechipri muhutungamiri hukuru hweChita choRubatsiro.1
Kuziva kuti Kristu achatinyaradza kunokwanisa kutiunzira runyararo nokutikurudzira kutevera muenzaniso Wake kuburikidza nokutaririra vamwe. Mutungamiri Thomas S. Monson vakati: “Ruzivo rwedu rwevhangeri uye rudo rwedu rwaBaba vedu Vokudenga nerweMuponesi wedu zvinozoti nyaradza nokutitsigira nokuunza rufaro kumoyo yedu apo patinofamba zvakarurama nokuchengeta mirairo. Hapana chinhu munyika muno chinokwanisa kuti kurira.”2
Kubva muMagwaro Matsvene
Johane 14:18, 23; Aruma 7:11–13; Dzidziso neZvibvumirano 101:14–16
Kubva muNhoroondo Yedu
Elaine L. Jack, mutungamiri mukuru weChita choRubatsiro wechigumi nevaviri, akati: “Mudzidziso yekushanyirana tinonanavirana. Zviito zvedu kazhinji zvinotaura izvo mashoko edu zvaasingakwanisi kutaura. Kumbundira kunorudo kunotaura zvakawanda zvikuru. Kuseka pamwechete kunotibatanidza. Chinguva chokugoverana chinovandudza mweya yedu. Hatikwanisi nguva dzose kusimudza mutoro weuyo anedambudziko, asi tinokwanis akumukurudzira kuitira kuti agokwanisa kuritakura zvakanaka.”3
Masisita edu eChita cheRubatsiro aiva pakati pevaparuri vechiMormoni vekutanga “vakawana simba remweya murudo nemutsa wemumwe nemumwe wavo. …Apo pavaitambura nezviyedzo zveurwere nerufu, vakanamatirana murutendo uye vakanyaradzana. ‘Rudo rwaMwari rwakayerera kubva kumoyo kuenda kune umwe moyo.’ akanyora Helen Mar Whitney, “kusvikira uyo akaipa ashaya simba mukuedza kwake kuuya pakati pedu naIshe, uye miseve yake yeutsinye, pane dzimwe nguva, yakashayiswa uturu hwayo.”4
© 2014 ne Intellectual Reserve, Inc. Ndiyo chete inekodzero dziripamutemo dzekushandiswa kwechinyorwa chino. Chakadhindwa muUSA. Mvumo yeMuchirungu: 6/14. Mvumo yedudziro: 6/14. Dudziro ye Visiting Teaching Message, September 2014. Shona. 10869 731
Funga Izvi
Kunzwisisa kuti Ishe vanokuyeuka kunokuunzira nyaradzo sei?